Luku 6:14 - Buka Blahi Ka Cheke Holo

¹⁴ Nanghadi nabotho phei mae khurure igre. Mae Simon, fapea nanghagna na mae Pita, nei Aduru tahigna mana na; mae Jemes ghe mae Jone; mae Filip ghe mae Batolomiu;

Luku 6:14 Iomraidhean Croise

Matiu 10:2

Igre nanghadi nabotho phei mae nogna khuru mana re: Ulu lahu na mae Simon, te kiloni mae Pita ghe mae Aduru tahigna na; mae Jemes ghe mae Jone, phei thugna mae Sebedi;

Matiu 10:3

mae Filip ghe mae Batolomiu; mae Tomas ghe mae Matiu, mae mala saosalo takis; mae Jemes thugna mae Alfius ghe mae Tadius;

Matiu 4:18

Kate lilihi te tei mae Jisas ka grathagna Kholo Galili, mana ne filodi phei mae thabusigna te ugra sasa, mae Simon mae te kiloi Pita ghe mae Aduru. Phiamare ugra sasa ka nodi fangna na.

Matiu 4:21

Mana tei ne filodi mae Jemes ghe mae Jone, phei thugna mae Sebedi. Phiamare saghe neu ka mola na balugna mae kmadi na, ghau neu nodi fangnare. Mae Jisas jaola ne kilodi phiamare.

Nonomho Te Keli Teke Risoi Mae Mak 1:19

Mae Jisas ulu neke tei katha vido ne ludedi mae Jemes ghe mae Jone phei thugna mae Sebedi. Mare gnokro lamna mola neke eꞌei fakeli nodi fangnare.

Nonomho Te Keli Teke Risoi Mae Mak 1:29

Mae Jisas jifla mei ka suga tharai na baludi mae Jemes ghe mae Jone nei keha mae fanomhore doglo ne tei ka sugadi mae Simon ghe mae Aduru.

Nonomho Te Keli Teke Risoi Mae Mak 14:33

Nu mana ne hata balugna mae Pita, mae Jemes nei mae Jone. Aonu mae Jisas ne funu diꞌanagnafa fara, eghuteuna gaoghathogna mana na ne thono romno fara.

Nonomho Te Keli Teke Risoi Mae Mak 3:16

Igre nanghadi nabotho phei mae teke vavahi mana re: Mae Simon, mae ihei mana te kiloni mae Pita;

Nonomho Te Keli Teke Risoi Mae Mak 5:37

Mae Jisas ne snakredi kolho mae Pita, mae Jemes nei mae Jone tahigna mae Jemes te tei balugna ka suga mae Jaerus na.

Nonomho Te Keli Teke Risoi Mae Mak 9:2

Ke leghu namno narane mae Jisas ne hata balugna mae Pita, mae Jemes nei mae Jone, ne haghe ka thogele na. Mare au neu thedi jare. Kate filo lao thilomare na thinigna mae Jisas na ne tughu.

Luku 5:10

Phia thugna mae Sebedi, mae Jemes ghe mae Jone, te loku balugna mana re jaola ne jaglo nodi fara. Mae Jisas ne cheke eghu ka mae Simon, “Simon, thosei mhaghu, funu gognaro iara na falalase ka iagho te mala salo mei naikno ka iara na.”

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Luku 6:13

Hamerane ka keha narane na, mae Jisas ne kilodi nogna mae fanomhore. Kate mei mare ka mana na, mana ne vavahi nabotho phei mae ka hatimare. Mana ne kilodi hatimare “Mae Khuru.”

Luku 6:15

mae Matiu ghe mae Tomas; mae Jemes (thugna mae Alfius) ghe mae Simon, mae te kiloi Silote;

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Jone 14:8

Mae Filip ne cheke eghu ka mana, “Lord, tuana ngala unha te magnahagheni ghehati na mala falalase iagho mae Kmamu na ka ghehati.”

Jone 6:5

Mae Jisas efra haghe ne filodi kmana naikno ne mei ka mana. Aonu mae Jisas ne cheke eghu ka mae Filip, “Filip, aheva nate tei foli gano tahati te mala faghamudi naikno igre?”

Jone 6:8

Kaisei nogna mae fanomho mae Jisas, nanghagna na mae Aduru, tahigna mae Simon Pita, mana ne cheke eghu ka mae Jisas,

Mae Khuru 1:13

Kate thoke Jerusalem na, mare doglo ne tei kau chogho ke kligna kaisei suga te mala kapru teu mare. Eghuteuna jare mae Pita, mae Jone, mae Jemes, mae Aduru, mae Filip, mae Tomas, mae Batolomiu, mae Matiu, mae Jemes thugna mae Alfius, mae Simon mae te kiloi Silote, nei Judas thugna mae Jemes.

Mae Khuru 12:2

Mana ne chekedi keha mae mala faghorehoni mae Jemes tahigna mae Jone ka naflahi.

Fapea Pita 1:1

Iara mae Simon Pita kaisei nogna mae gloku nei kaisei nogna mae khuru Jisas Kraes. Iara riso ari ka ghotilo iheire te hata nomi thofno fatutuani te keli fara ka God jateula ghehati. Tahati te gnafa na kafe hata u fatutuani igne naugna noda God nei Fakarhaida Jisas Kraes, mana kaisei mae keli nei eni unha te doglo fara.