Luku 6:12 - Buka Blahi Ka Cheke Holo

¹² Kaisei narane ke leghugna igne, mae Jisas ne haghe ka kaisei thogele ne tarai fabrahu ka God. Mana au jare fabrahu bongi tuana.

Luku 6:12 Iomraidhean Croise

Nodi Khoje Hatimare Mae Jiu 22:2

Nogu God, bongi narane na iara theome gnafa te kilo nigho na, nu iagho theome fameomegoni nagnafagu gne.

Profet Isaia 26:9

Leuleghu bongi na, iara magnahaghei nigho fara, eghuteuna hamerane na, tharungagu iara na magnahaghei te au balumu iagho. Kate fateni iagho naiknogna nauthoglu igne, mare ginauna laseni puhimu iagho te doglo na.

Profet Daniel 6:10

Neuba mae Daniel ne laseni tela riorisohi king nanghagna na ka vetula igne, mana kegra ne tei ka nogna suga na. Aonu mana ruma lamna ka nogna chogho na ne tuturupuku soru pari ne tarai rhegna wida te filo soru ka namono biꞌo Jerusalem. Mae Daniel ne thilo fata tarai leuleghu narane ne kilo fnaknoni God. Ka narane igne, mana ne jaola ne tarai jateula te eni koba thegna leuleghu narane igne neu.

Matiu 5:1

Kate filodi mae Jisas nakhapru biꞌo te leghuni mana re, mana haghe ka thogele na ne gnokro soru pari. Nogna mae fanomhore ne kafe mei khapru faligohoni mana.

Matiu 6:6

Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”

Nonomho Te Keli Teke Risoi Mae Mak 1:35

Hamerane boibongi ka keha narane na, mae Jisas dofra ne jifla ka suga na. Mana tei ka kaisei vido te nagou ne tarai jare.

Nonomho Te Keli Teke Risoi Mae Mak 3:13

Aonu, mae Jisas haghe ka kaisei thogele ne kilodi mae te magnahaghedi mana re. Kate mei mare ka mana na,

Nonomho Te Keli Teke Risoi Mae Mak 6:46

Ke leghugna te kuru teidi re, mana ne haghe ka thogele na mala tarai.

Luku 5:16

Nu kmana fata langau mana tei thegna ka vido te nagou na mala tarai.

Luku 6:11

Hatimare mae Farasi nei hatimare mae velepuhigna vetula nogna mae Moses eghu re ne thono diꞌa tadi. Mare ne cheke eghu fari thedi, “Na faꞌunhani si tahati mae Jisas gnea?”

Luku 6:17

Mae Jisas neke soru baludi nogna mae khurure funu ka thogele na. Mana soru ne kegra ka sare na baludi mae fanomho te kmanare. Eghuteuna kmana naikno ne mei funudi ka namono te iko tongana Judia, Jerusalem, nei ka namono te au ke tongna rhedi phei namono biꞌo Taea ghe Sidon.

Luku 9:18

Kaisei fata, kate au teu thegna na, mae Jisas ne tarai. Eghuteuna nogna mae fanomhore ne mei ka mana. Mana ne ghusna eghu ka mare, “Ba, naiknore ne mae ihei eghu ghau iara?”

Luku 9:28

Nabagna kaisei wik ke leghugna teke chekedi mana glepo igre, mae Jisas ne hata balugna mae Pita, nei mae Jemes nei mae Jone ne haghe ka thogele na mala tarai.

Luku 9:29

Kate tarai teu mana na, thinigna mae Jisas na ne nhogri eghuteuna nogna pohere ne vegha fara.

Jone 6:3

Aonu, kate tei posa mare ka keha phile kholo na, mae Jisas ne haghe ka kaisei thogele, ne gnokro pari baludi nogna mae fanomhore.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Hibru 5:7

Kate au nga tekeu mae Jisas ka nauthoglu gne mana neke tarai balu tanhi fabiꞌo ka God Kmagna mae ihei tangomana te mala toghoni mana te mala theome lehe na. God neke nomhini nogna tharai mana na, naugna mae Jisas neke loku leghuni nagnafagna God na nei ghatho tahuni eghu mana.

Ululahu Samuel 15:11

“Iare diꞌanagnafagu fara, naugna iara neke vahini mae Sol mala king. Nu gognarona mana la theome leghudi nei nomhidi eghu nogu cheke iara re, eghume iara theome magnahagheni mana teke king na eghu.” Aonu mae Samuel ne faꞌihoni fara ka puhi igne ne tarai ne tarai bongi thongana na.