Luku 6:1 - Buka Blahi Ka Cheke Holo

¹ Kaisei narane Sabat, nodi narane blahi mae Jiu, mae Jisas ne leghu nabrou ne sala'u ka nagare sopho na. Nogna mae fanomhore ne ukli keha sopho ne koko khunedire ne ghamu.

Luku 6:1 Iomraidhean Croise

Eksodas 12:15

Lord neke cheke eghu, “Naba fitu narane te mala ima ghotilo u bret te theo isi gna na ia. Ka narane ulu lahu na, ghotilo mala koko isi te au ka sugami re. Eghuteuna jame kaisei naikno ka ghotilo ima bret te au isi tagna na funu ka narane ulu lahu na te ghilei thoke ka fafitu narane na, ghotilo lisei fakosini naikno tuana ke kosigna vikegna Israel.

Levitikas 23:15

“Leuleghu finogha, ghotilo mala kaha fitu wik funu ka narane ke leghu Sabat, narane te eni ghotilo ka iara ka gano saro ulu funudi ka nagare ghotilo are.

Levitikas 23:7

Ka narane ulu lahu gna gaghamu biꞌo igne, igne kaisei narane blahi mala kafe khapru mei ghotilo mala kilo fnakno ghau iara. Eghuteuna ka narane igne ghotilo mala thosei loku.

Luku 5:39

Mae ihei teke koꞌu koba waen tiatifa na mana theome magnahaghei te ko'uni waen majaghani na. Naugna mana ne cheke eghu, ‘U waen tiatifa nga te keli na.’ ”

Luku 6:6

Ka keha narane Sabat na, mae Jisas tei ne ruma ka suga tharai na ne farirhiudi naiknore. Eghuteuna, kaisei mae te lehe khame nhetagna na au neu jare.

Diutronomi 16:9

Mae Moses ne cheke eghu, “Funu ka narane te funu hata gano ghotilo ka nagare, ghotilo mala kaha fitu wik.

Diutronomi 23:25

Eghuteuna kate tei ghotilo ka nogna nagare wit mae kherami na, ghotilo ginauna tangomana te hata keha gano tagna mala ghamu, nu ghotilo hata ka khame kolho, blahi te kato ghotilo ka naflahi te mala hata kmana gano tagna na.”