Luku 5:26 - Buka Blahi Ka Cheke Holo

²⁶ Naiknore ne kafe jaglo nodi fara ne funu kilo fnaknoni God. Mare thono mhaghu nodi fara ne cheke eghu, “Icho idomi! Unha te filoni tahati gognarogne thono jaglo noda fara.”

Luku 5:26 Iomraidhean Croise

Profet Jeremaea 33:9

Ka narane tuana, naikno te gnafa ka nauthoglu igne ginauna gleale'a fara eidi glepo te keli te edi iara ka namono igne, eghuteuna mare ginauna cheke fakeli ghau iara nei fafnaknoni nanghagu iara na. Mare ginauna rhana nodi fara kate nomhini nonomho eigna puhi te eni iara ka naikno te au fakeli ka pharikeli ka namono igne.

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Matiu 12:23

Kate filoni mare igne, mare jaglo nodi fara ne cheke eghu, “Tore! Igne ngala jau si mae vikegna King Devet te ofoni tahati na.”

Matiu 28:8

Aonu, repa ghosei chari ne tei funu ka gluma na. Repa mhaghu nodi fara, nu repa jaola thono gleale'a fara. Aonu repa chari ne tei ne toutonu ka nogna fanomho mae Jisas re.

Matiu 9:8

Naiknore filoni igne ne jaglo nodi fara balu mhaghu. Mare ne kilo fnaknoni God naugna God ne tusu lao nafnata nolaghi te biꞌo igne ka naiknore.

Nonomho Te Keli Teke Risoi Mae Mak 2:12

Mae te blughu igne ghosei kegra haghe kate kafe filo teu naiknore. Aonu mana hata nogna khifra na ne jifla ka suga tuana. Kate filoni glepo igne, naiknore thono jaglo nodi fara ne kilo fnaknoni God. Mare ne cheke eghu, “Icho idomi, tifa te mei na tahati neke theome filoni kaisei glepo jateula igne teuna!”

Luku 1:65

Ke leghugna igne kheragna fofodu mana re ne mhaghu nodi fara eidi glepo te edi God ka mare igre. Aonu naikno heva te heva ka namono holo te au ka nohi Judia na ne toutonudi glepo igre.

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Luku 7:16

Iheire teke au tekeu jare ka vido tuana ne kafe jaglo nodi fara, ne kilo fnaknoni God. Mare ne cheke eghu, “Kaisei mae profet biꞌo la thakle mei farihoteida tahati! God na la mei mala toghodi nogna naiknore!”

Luku 8:37

Naiknodi Gerasa re kafe mhaghu nodi fara, naugna unha teke eni mae Jisas na ne toreni mana mala jifla tei delei. Aonu mae Jisas saghe ka mola na neke pulo Galili.

Mae Khuru 4:21

Hatimare mae biꞌo neke fapea fata famamhaghudi phiamare, nu ke leghugna igne na mare neke snakre teidi phiamare. Ninhigrana ranghidi mare te mala fakabrudi phiamare na. Naugna mare filo glanidi naikno te gnafare la funu kilo fnaknoni God eigna u kofubobhoi teke eni phiamare igne.

Galesia 1:24

Eghuteuna naikno khiloaure ne kilo fnaknoni God eigna unha te eni mana ka iara na.