Luku 5:17 - Buka Blahi Ka Cheke Holo

¹⁷ Kaisei narane mae Jisas farirhiudi naiknore ka suga na. Eghuteuna keha mae Farasi, nei jaola keha mae velepuhi eghu au neu jare. Mae igre mei funudi ka namono te gnafa ka Provins Galili, nei funudi ka Provins Judia, nei ka namono Jerusalem. God ne tusu lao nolaghi ka mae Jisas mala fakelidi naikno te fogra re.

Luku 5:17 Iomraidhean Croise

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Matiu 15:1

Ke leghugna igne, keha mae Farasi nei keha mae velepuhigna vetula nogna mae Moses eghu ne mei funudi Jerusalem. Mare ne ghusna eghu ka mana,

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 16:18

Mare ginauna na loku mogo te faghughumhu, ba koꞌu phinu raha, mare ginauna na theome lehe. Mare ginauna habo khamedire ke klignadi naikno te fogra re, eghuteuna naikno te fogra re ginauna nake keli fapulo.”

Nonomho Te Keli Teke Risoi Mae Mak 3:22

Keha mae velepuhigna vetula nogna mae Moses funudi Jerusalem ne cheke eghu, “Filoni si ghotilo, mae Satan mae te kiloi Bielsebul na au ka mana. Mae Bielsebul gne mae funeidi naiture, mana tusu ranghini mana nolaghi te mala bruedi naiture.”

Nonomho Te Keli Teke Risoi Mae Mak 5:30

Kau vido tuana, mae Jisas ghosei ne haimini nolaghi te jifla mei ka mana. Aonu mana kegra snoto ne figri faleghu ka naiknore ne ghusna eghu, “Ihei site habo ka nogu phoko iara gnea?”

Nonomho Te Keli Teke Risoi Mae Mak 7:1

Keha mae Farasi nei keha mae velepuhigna vetula nogna mae Moses eghu teke mei funudi Jerusalem igre ne khapru faligohoni mae Jisas.

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 2:46

Mare hiro ne hiro. Ka fatilo narane na repa ne ruma ka Sugablahi na ne ludeni mana jare. Mae Jisas gnokro neu baludi hatimare mae velepuhigna vetula nogna mae Moses re fanomho neu ka cheke te edi mare re, eghuteuna mana ne faghusna ka hatimare.

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”

Luku 5:30

Nu keha mae Farasi nei keha mae kheradi mae velepuhigna vetula nogna mae Moses eghu ne thono buiburi fara ne cheke eghu ka nogna mae fanomho mae Jisas re, “Naugna unha site ghamu fodu ghotilo ka naikno te diꞌa mala salo takis nei keha naikno te diꞌa teu gnea?”

Luku 6:19

Naiknore ne magnahaghei te mei te kafe haboni mae Jisas, naugna mare filoni nogna nolaghi God na au ka mana ne jifla mei ka mana ne kafe fakelidi.

Luku 7:30

Nu mae Farasi nei mae velepuhigna vetula nogna mae Moses teu igre, mare ne tirodi leghuni nogna ghaoghatho God te maladi thedi na. Mare theome magnahagheni mae Jone te faꞌapublahidi.

Luku 8:46

Nu mae Jisas ne cheke eghu, “Tutuani, kaisei naikno ne habo ghau iara! Iara haimini nogu nolaghi na ne jifla mei mala fakelini kaisei naikno.”

Jone 3:10

Mae Jisas ne cheke eghu ka mana, “Iagho kaisei mae velepuhi biꞌo gna Israel. Nu theome laseniu ngala eghu sagho gaoghathogna na u cheke ignea, ghema?

Jone 3:21

Nu mae ihei te edi glepo te tutuanire mana ginauna mei kau naphae na. Aonu u naphae na ginauna falalase fakeli ka naiknore unha glepo teke edi God ka mana re.”

Mae Khuru 19:11

God ne tusu ranghini mae Pol nolaghi biꞌo mala edi keha kofubobhoi.

Mae Khuru 4:30

Togho ghami mala frane ghehati kate fakakhana gna nou nolaghi iagho na. Fakarhidi naikno te fogra nei snakreni kofubobhoi nei fagaglana mala thakle ka nanghagna nou mae gloku blahi Jisas.”

Mae Khuru 5:34

Kaisei mae Farasi nanghagna na mae Gamalio mana kaisei mae velepuhi biꞌogna vetula. Eghuteuna naiknore ghatho tahuni nei filo faꞌuluni eghu mana. Mana kegra haghe ne cheke farihoteidi hatimare mae mala fate. Eghuteuna mana ne chekedi mae pulisire mala hata fajifladi ghu mae khurure ke kosi katha vido.