Luku 5:15 - Buka Blahi Ka Cheke Holo

¹⁵ Nu neuba ngau, nonomho gna mae Jisas gne ne tei tongana heva heva ka namono te kmanare. Aonu kmana naikno fara ne mei fanomho ka chekegna mana re nei mala fakarhidi mana ka thua khabru te au ka thinidire.

Luku 5:15 Iomraidhean Croise

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Matiu 9:26

Nonomho gna igne ne tei tongana heva heva ka namono te kmana ke lamnagna provins tuana.

Matiu 9:31

Nu neuba ngau phiamare jifla ne tei toutonu tafrini thoutonu gna mae Jisas na ka nohi tuana.

Nonomho Te Keli Teke Risoi Mae Mak 1:28

Funu ka narane tuana nonomho eigna mae Jisas na ghosei ne tei posa ka namono te gnafa ka Provins Galili.

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 3:7

Aonu, mae Jisas jifla baludi nogna mae fanomhore ne tei ka Kholo Galili. Eghuteuna kmana naikno ne tei balugna mana. Naikno igre neke mei funudi Galili, Judia, Jerusalem, Idumia nei ka namono te au ka keha phile Kho'u Jordan, nei funudi ka nohi Taea nei Saedon. Naikno igre mei ka mae Jisas naugna mare nomhidihi thoutonu eidi gobigna lepo teke edi mana re.

Luku 12:1

Kaisei fata, kmana thogha thogha naikno ne khapru faligohoni mae Jisas mala fanomho ka mana ne ghilei tapla kligna naikno. Ame cheke nga mae Jisas ka naiknore teuna, mana ne kulu cheke eghu ka nogna mae fanomhore, “Fiofilo ghami ka puhidi mae Farasi gre. Mare chaghidi fara naiknore.

Luku 14:25

Kmana naikno fara ne tei balugna mae Jisas ka nabrou na. Mana filo lao ne cheke eghu ka mare,

Jone 6:2

Kmana naikno leghuni mana, naugna mare ne filodi nogna gloku te nolaghi te edi mana te fakelidi naikno te fogra re.

Ululahu Timoti 5:25

Jateula tuana eghu gloku te kelire e bligi fara te mala filodire. Nu neubane theome bligi ngau te mala filodire, theome tangomana te poru fabrahu na.