Luku 5:12 - Buka Blahi Ka Cheke Holo

¹² Kaisei fata, mae Jisas au neu ka kaisei namono te au kaisei mae te thubu. Mana thafru ka thubu biꞌo, khabru te kiloi leprosi. Kate filoni mae Jisas na, mana mei ne tuturupuku ke ulugna mae Jisas ne cheke eghu, “Mae funei, ne magnahagheni nga iagho nu, iagho tangomana teke fasalhu ghau iara na.”

Luku 5:12 Iomraidhean Croise

Jenesis 18:14

Theo kaisei glepo te ninhigrana ranghini Lord na. Iara ginauna nake pulo mei ka iagho ka thofno narane na, ka nhigra jateula gognaro gne eghu. Eghuteuna Sera gne ginauna na karha kaisei thugna nalhaꞌu.”

Ululahu Kings 18:39

Kate filoni igne, naiknore ne khoko soru pari ka glose na ne eha eghu, “Lord ngala God te tutuani na! Lord ngala God te tutuani na!”

Fapea Kings 5:1

Mae Naman gne kaisei komanda ka armi gna Siria. Eghuteuna king gna Siria igne thofno magnahagheni nei keli tagnani eghu mae Naman. Naugna Lord neke toghoni mana mala tangomana armi gna Siria te uludi magra re. Mana kaisei mae soldia keli tutuani fara, nu mana au tagna kaisei fogra te diꞌa te kiloi leprosi ka thinigna na.

Fapea Kings 5:27

Naugna te eni iagho igne, iagho nei vikemu iagho teu igre ginauna au papara fabrahu ka khabru leprosi teke au ka thinigna mae Naman na igne.” Kate jifla mae Gehasi ka mae profet Elisa na, khabru te diꞌa igne ne kasa ka mae Gehasi, eghuteuna thinigna mana na ne thofno vegha fara.

Fapea Kings 7:3

Ka narane igne, fati mae te au kmana thubu biꞌo te kiloi leprosi ka thinidi re au neu ke kosi grengatha gna namono biꞌo Samaria. Eghuteuna mare ne cheke eghu fari thedi, “Naugna unha si tahati te ofo teu agne nate ghilei lehe gnea?

Ululahu Kronikols 21:16

King Devet ne filoni Engel nogna Lord na kegra neu farihotei maloa ghe nauthoglu, eghuteuna mana louloku kaisei naflahi ka khamegna na tarabana mala goigonini Jerusalem. Eghuteuna mae Devet nei hatimare mae lida pogho soru pari ne tei posa ka glosero pari. Ka narane tuana mare ne pipichi ka pohe diꞌanagnafa, fagaglanagna nodi diꞌanagnafa na.

Nodi Khoje Hatimare Mae Jiu 50:15

Eghume jame te eha ghotilo ka iara kate au ghotilo ka hoholo na iara na togho ghami ghotilo, eghuteuna ghotilo ginauna na pala hagheni nanghagu iara na.”

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Eksodas 4:6

Lord neke cheke eghu ka Moses, “Iagho nhaꞌa lao khamemu na lamna ka nou pohe na.” Aonu Moses ne leghuni unha te chekeni Lord igne ne nhaꞌa lao lamna ka nogna pohe na. Eghuteuna kate atha fajifla mana khamegna na, bakua ne thafru ka khamegna na mana na, eghuteuna khame igne ne thofno diꞌa filogna na.

Levitikas 13:16

Nu jame thubu igne gnafahi, mae igne tei filoni mae pris,

Levitikas 9:24

Khaꞌaghi na megei nga ne jifla mei ka vido te au teu Lord na ne gnhubra fahui nafnahi te gnafa nei garofadi teu fafara ka olta na. Eghuteuna kate filoni igne, naiknore ne thagru fabiꞌo ne pogho soru ka glose na.

Matiu 26:6

Mae Jisas au neu Betani ka sugagna mae Simon. Mae Simon gne neke leprosi tifa.

Matiu 9:28

Kate ruma mae Jisas ka suga na, phei mae te dofu igre ne ruma balugna mana. Mae Jisas ne ghusnadi phiamare, “Phei mae, ghopa fatutuani ghau iara te tangomana mala fakelidi tathamire?” Phiamare ne cheke eghu ka mana, “Uve, mae funei!”

Nonomho Te Keli Teke Risoi Mae Mak 5:23

Mae Jaerus ne toreni fara mae Jisas, “Mae biꞌo, thugu gaꞌase iara na la namo lehehi. Ghosei mei mala habo khamemure mala ke keli fapulo nei karha eghu naꞌa.”

Luku 17:16

Mana mei ne tuturupuku ke ulugna mae Jisas ne tegio ka mana. Mae igne theome mae Jiu, nu mae gna Samaria.

Luku 5:13

Mae Jisas ne habo lao ka mana ne cheke eghu, “Uve, iara magnahaghei, ke salhu silagho!” Kau chekegna mae Jisas tuana, thubu ka thinigna mana re ghosei neke salhu fapulo.

Diutronomi 24:8

“Jame kaisei ka ghotilo au fogra diꞌa ka guligna na, mana mala edi gobigna lepo mae pris ka vikegna Livae te chekedi ka mana re.

Hibru 7:25

Naugna igne mana gognaro te haghe na au nolaghi te mala fakarhadi naikno te mei ka God re naugna mare ne fatutuani ni mae Jisas. Mae Jisas tangomana te mala fakarhadi naugna mana karha fabrahu, eghuteuna mana mala taraidi mare ka God Kmada.

Josua 5:14

Nu mae igne ne cheke eghu, “Theo, iara mei agne naugna iara mae komanda gna nogna armi Lord.” Kate nomhini mae Josua igne, mana ne pogho soru pari ne cheke eghu ka mae igne, “Mae biꞌo, iara nou mae gloku iagho. Unha te magnahagheni iagho te mala eni iara na?”