Luku 4:41 - Buka Blahi Ka Cheke Holo

⁴¹ Naitu teke au ka naikno te kmanare jifla mei ne eha fabiꞌo eghu, “Iagho Thugna God!” Nu mae Jisas ne cheke faheta ka naiture mala thosei cheke, naugna hatimare lasenihi mae Jisas gne ngala mae Kraes na.

Luku 4:41 Iomraidhean Croise

Matiu 26:63

Nu mae Jisas ne theome cheke. Aonu mae pris biꞌo na ne cheke eghu, “Gognarona iagho nhaꞌa cheke ka ghehati. Iara magnahaghei nigho iagho ka nanghagna God te karha, cheke kate tutuani ka ghehati. Iagho ngala si mae Kraes Thugna God na ia?”

Matiu 4:3

Satan mei ne cheke eghu ka mana, “Ghema, te Thugna God iagho na, iagho chekedi thina igre mala tughu ke vuhai bret.”

Matiu 8:16

Rafi, ke leghugna te pluluhi naprai na, naiknore hata ne mei ka mana kmana naikno te au naiture. Mae Jisas ne cheke kolho ka bukrei naiture ne kuru fajifladi. Nu naikno teke fogra re ghosei neke kafe keli fapulo.

Matiu 8:29

Phiamare ne filo teini mae Jisas ne eha eghu ka mana, “Thugna God, mei mala faꞌunha ghami ghehati sagho ia? Ba, mei mala para ghami ghehati ame thokei mei nga narane teke kulu lilisei God te mala fate ghami ghehati na neku sagho ia?”

Matiu 8:4

Aonu mae Jisas ne cheke eghu ka mana, “Thosei toutonu tafri eigna igne ka ihei nga. Nu iagho doglo tei ka mae pris mala kulu filoni mana thinimu na. Eghuteuna ke leghugna igne iagho tei eꞌei fafara leghuni unha te chekeni mae Moses ia, mala laseni naiknore teke la keli fapulohi iagho na.”

Nonomho Te Keli Teke Risoi Mae Mak 1:25

Aonu, mae Jisas ne cheke faheta eghu ka naitu na, “Megeu! Jifla mei sagho ka mana!”

Nonomho Te Keli Teke Risoi Mae Mak 1:32

Ka grafi tuana, ke leghugna tela pluluhi naprai na, naiknore hata ne mei ka mana naikno te gnafa te fogra ba te au naitu tadi.

Nonomho Te Keli Teke Risoi Mae Mak 1:34

Mae Jisas ne kafe fakelidi ne gnafa naikno te au kmana nafnata khabru tadi. Eghuteuna mana ne brue teidi la naitu te kmana teke au ka naiknore. Nu mae Jisas theome snakredi naiture te cheke na, naugna mare lasenihi mae Jisas.

Nonomho Te Keli Teke Risoi Mae Mak 3:11

Keha naiknore au naitu tadi. Kate filoni mae Jisas na mare mei tuturupuku ke ulugna mana balu eha fabiꞌo, “Iagho thofno Thugna God.”

Luku 4:39

Mae Jisas ne tei kegra rhegna sape naikno biꞌo na ne cheke faheta ka fogra na. Eghuteuna, fagrutu na ne gnafa ka naꞌa. Aonu naꞌa ghosei ne kegra haghe ne faghedi gano mare.

Jone 20:31

Eghuteuna, glepo igre iara neke riso soru mala iu'ijudi ghotilo nu fatutuani ni mae Jisas gne mae Kraes, Thugna God. Te fatutuani ni mana ghotilo na, ghotilo ginauna tangomana te athani thofno nakarha na ka nanghagna mana.

Jemes 2:19

Nu te laseni iara na, keha naikno ka ghotilo cheke eghu koba, “Ghehati fatutuani ni kaisei God ngala.” Nu te chekeni iara na, naiture jaola fatutuani ni kaisei God. Nu fatutuani igne theome mala fakarhidi mare. Eghuteuna kate nomhini mare nanghagna God na, mare thono mhaghu nodi fara.