Luku 4:37 - Buka Blahi Ka Cheke Holo

³⁷ Aonu nonomho gna mae Jisas na ne tei tongana heva heva ka namono te gnafa ka nohi tuana.

Luku 4:37 Iomraidhean Croise

Profet Isaia 52:13

Lord ne cheke eghu, “Unha nate edi nogu mae gloku iara igne ginauna ari thofno horoghoto fara. Naiknore ginauna ghatho tahuni nei pala hagheni eghu nanghagna mana na kligna.

Matiu 9:26

Nonomho gna igne ne tei tongana heva heva ka namono te kmana ke lamnagna provins tuana.

Matiu 9:31

Nu neuba ngau phiamare jifla ne tei toutonu tafrini thoutonu gna mae Jisas na ka nohi tuana.

Nonomho Te Keli Teke Risoi Mae Mak 1:28

Funu ka narane tuana nonomho eigna mae Jisas na ghosei ne tei posa ka namono te gnafa ka Provins Galili.

Nonomho Te Keli Teke Risoi Mae Mak 1:45

Nu mae igne tei ne toutonu tafri eigna thoutonu igne ka naikno te kmanare. Naugna igne mae Jisas ne theome tei tafri ka keha namonore. Mana tei ne au ka vido aheva te theome tangomana kaisei naikno te au tagna na. Neuba, naiknore mei ka mana funudi heva heva ka namono te kmanare.

Nonomho Te Keli Teke Risoi Mae Mak 6:14

Mae King Herod nomhidi kmana thoutonu eigna mae Jisas, naugna mana gognarona fnakno fara heva te heva na. Keha naiknore ne cheke eghu, “Mae igne mae Jone Apublahi. Mana kela karha fapulo! Naugna tuana te au nolaghi mana te edi kofubobhoi igre.”

Luku 4:14

Ke leghugna igne mae Jisas neke pulo Galili, balugna u nogna nolaghi Tharunga te Blahi na. Eghuteuna, u nonomho eigna mae Jisas na ne tei tongana ka nohi te gnafa ke lamnagna provins tuana.