Luku 4:31 - Buka Blahi Ka Cheke Holo

³¹ Mae Jisas neke tei Kapanam, kaisei namono biꞌo ka Provins Galili. Leuleghu narane Sabat na mae Jisas ne farirhiudi naiknore.

Luku 4:31 Iomraidhean Croise

Matiu 10:23

Kate para ghami naiknogna kaisei namono na, rikha tei ka keha namono na. Tutuani fara te chekeni iara ka ghotilo na, ame gnafa nga ghotilo nomi gloku na ka namono te kmana Israel igre teuna, iara mae teke mei funu ka God na nake pulo mei.

Matiu 4:13

Mana ne kulu tei Nasaret, eghuteuna mana theome au raugha jare. Nu mana jifla neke tei au Kapanam, kaisei namono rhegna Kholo Galili, ke lamnagna nohi Sebulun nei Naftali.

Luku 4:23

Mae Jisas ne cheke eghu ka mare, “Iara laseni, ghotilo ginauna na chekeni ka iara chekegna tifa igne, ‘Ghema dokta, kulu fakeli fapulo nigho themu sagho!’ Eghuteuna ghotilo ginauna na cheke eghula ka iara, ‘Ghehati nomhidihi glepo teke edi iagho Kapanam ra. Eghume, gognaro na jaola ke edi sagho glepo tuare agne ka namonomu themu gne!’ ”

Mae Khuru 13:50

Nu goro mae biꞌodi Jiure ne cheke faheta ka goro mae biꞌo nei goro nakrupe eghu gna nohi tuana mala thosei leghudi mae Pol ghe mae Banabas. Mare ne funu eꞌei puhi biꞌo ranghidi mae Pol ghe mae Banabas ne brue fajifladi phiamare ka nodi nohi na.

Mae Khuru 18:4

Leuleghu narane Sabat na mae Pol ne tei toutonu ranghidi mae Jiu nei mae Griki ka suga tharai na mala fatutuani ni mae Jisas.