Luku 4:22 - Buka Blahi Ka Cheke Holo

²² Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Luku 4:22 Iomraidhean Croise

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Nodi Khoje Hatimare Mae Jiu 45:4

King, iagho na fnakno fara nanghamu na. Iagho saghe ka hose te tei magra! Iagho ginauna na uluni magra na ka nou nolaghi te biꞌo fara. Eghume, ka puhi igne iagho na kafe toghodi nou naikno te leghudi thofno chekemu te tutuani nei puhimu te thofno doglo fara, nei farirhiudi mala namhadi nei taegodi eghu keha naiknore.

Proveb 10:32

Naikno te doglo na, cheke fadoglo. Nu naikno te diꞌa na tangomana te cheke chaghi fabrahu na.

Proveb 16:21

Mae te autagna gaoghatho te keli na, naiknore laseni mae igne autagna gaoghatho te keli. Eghuteuna naiknore magnahaghei fara te fanomho ka nogna cheke mana re.

Proveb 25:11

Kate thoke mei thofno narane te mala cheke iagho na, iagho famane cheke, tuana jateula famane gano ka tapera gol ra eghu.

Eklesiasti 10:12

Nogna cheke mae te autagna gaoghatho te keli na, naiknore ghatho tahuni mana. Nu nogna cheke mae te fameomekro na, faparini kolho thegna.

Famane Khoje 5:16

Chekegna mana na mamahe fara Iara thofno magnahagheini fara mana. Goro gaꞌasemi Jerusalem, igne kheragu iara na. Mana kheragu iara.

Profet Isaia 50:4

Nogna mae gloku Lord na ne cheke eghu, “Lord God neke farirhiu ghauhi iara ka unha mana te magnahaghei chekedi iara re, mala ke farerheta nagnafadi iheire te nigra. Leuleghu hamerane na mana fadofra ghau iara mala nomhidi iara glepo majaghani nate farirhiu ghau iara mana re.

Luku 2:47

Mae te kafe fanomho ka mana re ne jaglo nodi fara ka nogna glalase nei ka nogna cheke tughu eghu te edi mana re.

Luku 2:48

Ka vido tuana, idogna kmagna mana re jaola ne jaglo nodi fara kate filoni mana na. Aonu, idogna na ne cheke eghu ka mana, “Thuguo, naugna unha site eni iagho ka ghepa ignea? Ghepa kmamu ne nanga nomi fara ne hiro nigho iagho.”

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Luku 4:21

Mae Jisas ne cheke eghu ka naiknore, “Gognarogne, grioriso te blahi te iu'ijuni iara te nomhini ghotilo igne la thofno horoghoto fara.”

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Jone 6:42

Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”

Jone 7:46

Mae greireghigna Sugablahi gne ne cheke eghu ka mare, “Tore, ghehati theome nomhini kaisei mae te cheke ka nolaghi jateula mae igne teuna.”

Mae Khuru 6:10

nu mae Tharunga te Blahi na ne toghoni mae Stivin mala cheke balu glalase te biꞌo. Eghuteuna hatimare mae Jiure theome tangomanadi te cheke faparini mana na, naugna nogna cheke mana re thono nolaghi fara.

Taetus 2:8

Ne cheke nga iagho nu, cheke kate tutuani koba eghu, mala theome tangomana kaisei naikno te buiburi nigho na eghu, eghuteuna nou mae naoka iagho teke cheke fadiꞌa nigho na ginauna mamaja nogna kolho. Naugna mana theome laseni kaisei glepo te mala cheke fapari ghita tahati na.