Luku 4:1 - Buka Blahi Ka Cheke Holo

¹ Ke leghugna narane teke apublahi ka mae Jone ka Kho'u Jordan na, mae Jisas ne fodu ka Tharunga te Blahi neke pulo. Mae Tharunga te Blahi na ne baubatuni mana ne tei kau namono nagou na.

Luku 4:1 Iomraidhean Croise

Ululahu Kings 18:12

Iara theome laseni aheva Tharunga gna Lord nate hata nigho te tei kate jifla koko nigho iara na. Jame te tei cheke iara ka King Ehab, eghuteuna theome filo nigho mana teuna, mana ginauna falehe ghau iara. Neuba, iara ghatho tahuni nei pogho soruni eghu koba Lord funu suagu.

Ululahu Kings 19:4

Aonu mae Elija nolo kaisei narane thongana ne tei ka namono nagou na. Mana tei ne filoni kaisei gaju ikoi ne tei gnokro ka naungo gna gaju igne ne tarai, “Nabahi! Lord, iagho hata fadelei nakarhagu iara gne. Te keli na iara mala lehe jateula mae kmagu ra eghu kolho.”

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Profet Esikiel 3:14

Aonu nogna nolaghi God igne pala ghau iara ne tei ka maloa, eghuteuna Lord ne habo ghau iara ka nogna nolaghi biꞌo na. Nu iara theome keli gaoghathogu ne diꞌatagu fara.

Matiu 3:16

Ke leghugna te apublahi na, mae Jisas ne daka mata kau khoꞌu na. Ka vido tuanala, maloa na ne thora ranghini mana, eghuteuna mana ne filoni Tharungagna God na ne soru mei jateula kaisei balhu neu ne thoti ke kligna gna mana.

Luku 2:27

Eghuteuna u Tharunga te Blahi na batuni mae Simion ne tei ka Sugablahi na. Aonu, Meri ghe Josep hata mae sua Jisas na ne tei ka Sugablahi na mala eni unha te chekeni ka nogna vetula God na.

Luku 3:3

Mae Jone neke tei tongana ke lamnadi namono te au faligohoni Kho'u Jordan na ne toutonu ka naiknore. Mana ne cheke eghu, “Ghotilo lilisei puhimi te diꞌare, nu mala apublahi eghu, eghuteuna God ginauna hata fadeleidi nakhibomi ghotilo re.”

Luku 3:38

Mae Kainan gne neke thugna mae Enos. Mae Enos gne neke thugna mae Seti. Mae Seti gne neke thugna mae Adam. Mae Adam gne neke thugna God.

Luku 4:14

Ke leghugna igne mae Jisas neke pulo Galili, balugna u nogna nolaghi Tharunga te Blahi na. Eghuteuna, u nonomho eigna mae Jisas na ne tei tongana ka nohi te gnafa ke lamnagna provins tuana.

Luku 4:18

“Tharunga gna God na au balugu iara. Naugna mana neke vahi ghau iara mala toutonuni Nonomho te Keli gne ka naikno te kumare. God neke kuru ghau iara mala toutonu ka naikno te au sosolo ka nakhibodire mala snagla mare, nei naikno teke dofure mala ke fifilo fapulo. Eghuteuna iheire te au papara ke paridi nodi nolaghi keha mae re ginauna mala ke au ka pharikeli.

Jone 1:32

Aonu mae Jone ne cheke eghu ka naiknore, “Iara filoni Tharunga te Blahi na ne soru mei jateula kaisei balhu neu ka maloa na ne thoti ka mana.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Mae Khuru 1:2

te ghilei posa kau narane God teke hata hagheni mana kligna. Ame haghe nga kligna teku na, mae Jisas neke kulu cheke ka nogna nolaghi mae Tharunga te Blahi unha te magnahaghei te mala eni nogna mae khuru teke vavahidi mana re.

Mae Khuru 10:38

Eghuteuna ghotilo lasenihila u thoutonu eigna mae Jisas gna Nasaret. Tutuani, God Mama neke kuruni mae Tharunga te Blahi na mala toghoni mana nei tusu ranghini mana u nolaghi te biꞌo tulao. Ghotilo jaola laseni mae Jisas gne neke tei tongana heva heva neke edi koba glepo te kelire, nei fakelidi naikno te gnafa te au ke parigna nogna nolaghi mae Satan. Mae Jisas tangomana te eni igne naugna God au balugna mana.

Mae Khuru 8:39

Kate daka mata phiamare ka khoꞌu na, mae Tharunga te Blahi na megei nga ne hata fadeleini mae Filip. Mae biꞌo na ne theome filoni mae Filip, aonu mana doglo neke pulo ka namono Itiopia balu gleꞌa.