Luku 3:8 - Buka Blahi Ka Cheke Holo

⁸ Koko si ghotilo puhimi te diꞌare mala jateula sisi te keli eghu ka nakarhami are fagaglana gna u nakarha majaghani na. Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te hohoro vikegna mae Ebraham ka thina te filodi ghotilo igre!

Luku 3:8 Iomraidhean Croise

Nehemaea 5:11

Thobi nei nagare grep, nei nagare oliv, nei suga eghu teke hata ghotilo ka mare ra, gognarona ghotilo ke tusu fapulo ka mare. Eghuteuna ghotilo jaola ke tusu fapulo sileni teke hata ghotilo ra balu intres, neuba ghotilo ne hata sileni ba gano, ba waen, ba oliv oel.”

Profet Esikiel 33:24

“Maegna ka nauthoglu. Naikno te au ka namono tela goigonihi mae naoka igne, mare cheke eghu koba, ‘Ebraham ia neke kaisei mae kolho, nu God neke tusu lao glose igne ka mana. Nu gognarogne tahati la kmana fara, eghume gognarona glose igne nodahi tahati.’

Matiu 21:43

“Eghume te chekeni iara ka ghotilo na. God ginauna hata fadelei nolaghi na ka ghotilo naikno teke funei frunidi mana re. Aonu God ginauna ke tusu lao nolaghi igne ka naikno te edi unha te magnahaghedi mana re.

Matiu 3:8

Koko si ghotilo puhimi te diꞌare mala jateula sisi te keli eghu nakarhami re fagaglana gna nakarha majaghani na.

Matiu 3:9

Thosei chekeni koba ghotilo ne doglohi ke ulugna God naugna ne vikegna mae Ebraham themi teuna. Naugna te chekeni iara ka ghotilo na, God na tangomana te ei vikegna mae Ebraham ka thina te filodi ghotilo igre!

Luku 13:25

Kate tei mae khotogna suga na te bobotho grengatha na, ghotilo ginauna kegrau kosi na kikidi cheke eghu, ‘Lord, tothora ranghi ghami grengatha gne!’ “Nu mana ginauna cheke eghu, ‘Iara theome lase ghami ghotilo! Ghotilo neke mei funumi heva?’

Luku 13:26

“Ghotilo ginauna cheke eghu, ‘Nu ghehati neke ghamu nei koꞌu neku balumu iagho, eghuteuna iagho neke farirhiu ghami ghehati ke lamnagna nomi namono ghehati ia.’

Luku 14:9

Mana ginauna cheke eghu ka iagho, ‘Ghema kheraguo, iagho jifla ka sape igne mala ke mei gnokro mae igne.’ Aonu iagho ginauna mamaja nou fara kate tugha faleghu te gnokro ka sape leghu lahu na.

Luku 19:40

Nu mae Jisas ne cheke eghu ka mare, “Te chekeni iara ka ghotilo na. Jame theome chekedi mare glepo igre na thina igre ginauna kafe cheke fakelini God.”

Luku 19:9

Mae Jisas ne cheke eghu ka mana, “Gognarogne God ginauna fakarha nigho iagho nei naikno te gnafa te au ka sugamu gne! Naugna iagho kaisei mae neke karha la ka vikegna mae Ebraham.

Luku 5:21

Aonu hatimare mae velepuhigna vetula nogna mae Moses, nei hatimare mae Farasi eghu re ne funu cheke eghu kau gaoghathodire, “Mae ihei si mae ignea? Mae igne cheke faparini God signe. Theo kaisei naikno te tangomana te mala hata fadelei nakhibo na, kaisei thegna God ngala!”

Jone 8:33

Nu keha naikno te theome magnahaghedi cheke te edi mana re ne cheke eghu, “Sei, ghehati theome nogna naikno sneka ihei nga, nu ghehati gne vikegna mae Ebraham. Eghume, unha eghu iagho gaoghathogna cheke te ‘Ghotilo na hata fasnagla ghami’ teu tuana?”

Jone 8:39

Hatimare ne cheke eghu ka mana, “Sei ghema, mae kmami ghehati na mae Ebraham.” Mae Jisas ne cheke eghu, “Jame thofno vikegna tutuani mae Ebraham ghotilo na, ghotilo jame leghudi puhi te keli teke edi mae Ebraham re.

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Letas Teke Riso Tei Mae Pol Ka Khiloau Rom 4:16

Eghume naiknore hata nogna nhaꞌa cheke God na ka nodi fatutuani kolho. God neke eni u nhaꞌa cheke igne mala horoghoto ka nogna khokofakasai na. U nhaꞌa cheke igne theome maladi kolho naikno te leghuni nogna vetula mae Moses na. Nu jaola nodi naikno te gnafa te fatutuani ni God na jateula mae Ebraham eghu. Naugna mana ngala mae kuꞌeda tahati te gnafa na.

Letas Teke Riso Tei Mae Pol Ka Khiloau Rom 9:7

Tutuani, theome naikno te gnafa te karha mei ka vikegna mae Ebraham nate nogna thofno naikno God re. Nu ka grioriso te blahi na God neke cheke eghu, “Vike teke nhaꞌa cheke iara ka iagho ra ginauna jifla mei ka mae Isak.”

Filipae 1:11

Eghume, ghotilo ginauna edi kmana glepo te keli te mei funudi ka thegna mae Jisas Kraes, mala tangomana ghotilo te ghatho tahuni nei cheke fakelini teu nanghagna God na.