Luku 3:23 - Buka Blahi Ka Cheke Holo

²³ Jame kate thokeni tolufulu finogha gna na, mae Jisas ne funu farirhiudi naiknore. Eghuteuna gaoghathodi naiknore mae Jisas gne neke thugna mae Josep. Mae Josep gne thugna mae Heli.

Luku 3:23 Iomraidhean Croise

Jenesis 41:46

Mae Josep gne neke tolufulu finogha gna neke funu loku nga ranghini mae king gna Ijep. Eghuteuna mae Josep ne jifla ka sugagna mae king na ne tei tongana heva heva ka namono Ijep.

Fapea Samuel 5:4

Ka narane te king mae Devet igne, mana tolufulu finogha funu karhagna. Aonu mana ne king nabagna phiatutu finogha.

Naba 4:3

ghopa riso soru nanghadi mae te vuha ka tolufulu finogha te thoke ka glimafulu finogha. Mae tuare te mala loku ka Suga Thapuale te blahi igne.

Matiu 1:1

Igne buka thoutonu eigna mae Jisas Kraes, vikegna mae Devet, nei vikegna mae Ebraham.

Matiu 1:16

mae Jekop na neke kmagna mae Josep khetogna Meri, idogna mae Jisas mae te kiloni Kraes.

Matiu 1:6

mae Jesi na neke kmagna mae King Devet. Mae Devet na neke kmagna mae Solomon, (nu idogna mana na neke khetogna mae Uria);

Matiu 13:55

Tahati laseni mae igne. Mana kaisei mae kolho, mana neke theome mei funu ka God. Mana thugna ngala mae kapenta. Idogna na Meri. Mae thabusigna mana re igre, mae Jemes, mae Josep, mae Simon ghe mae Judas.

Matiu 4:17

Funu ka narane igne mae Jisas ne funu toutonuni Nonomho te Keli na ka naiknore ne cheke eghu, “Ghotilo lilisei puhimi te diꞌare, naugna narane God te funei frunidi nogna naiknore la namo meihi.”

Nonomho Te Keli Teke Risoi Mae Mak 6:3

Tahati laseni mae kapenta igne, mana thugna Meri kolho. Eghuteuna mae tahigna mana re mae Jemes, mae Josep, mae Judas nei mae Simon. Eghuteuna, greghagnare kafe au teu ngala igre. Mana kaisei mae kolho, mana neke theome mei funu ka God.” Aonu naiknore ne filo faparini kolho mana.

Luku 2:48

Ka vido tuana, idogna kmagna mana re jaola ne jaglo nodi fara kate filoni mana na. Aonu, idogna na ne cheke eghu ka mana, “Thuguo, naugna unha site eni iagho ka ghepa ignea? Ghepa kmamu ne nanga nomi fara ne hiro nigho iagho.”

Luku 3:31

Mae Eliakim gne neke thugna mae Melea. Mae Melea gne neke thugna mae Mena. Mae Mena gne neke thugna mae Matata. Mae Matata gne neke thugna mae Natan. Mae Natan gne neke thugna mae Devet.

Luku 4:22

Naiknore ne kafe keli tadi fara ka mae Jisas ne jaglo nodi fara ka nogna famane cheke te chekedi mana re, ne cheke eghu, “Tore, mae igne thugna mae Josep kolho!”

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Jone 6:42

Mare ne cheke eghu fari thedi, “Mae igne mae Jisas kolho. Tahati kafe lasedi kmagna nei idogna teure. Mana thugna mae Josep kolho. Naugna unha site chekeni mana ‘Iara neke mei funu kligna’ teu gnea?”

Mae Khuru 1:1

Ranghi nigho iagho ghema kheraguo Teofilas: Uve, ghema, u buka teke kulu risoni iara tifa ia, iara chekedi kolho ka iagho gobigna lepo teke edi nei farirhiudi teku mae Jisas ka naiknore funu ka narane teke vuvuhagna mana nogna gloku na