Luku 3:2 - Buka Blahi Ka Cheke Holo

² Eghuteuna mae Anas ghe mae Kaefas gre teke nodi mae pris biꞌo hatimare mae Jiu. Uve, kau narane tuana God neke cheke ka mae Jone thugna mae Sekaraea kate au teu mana ke lamnagna namono nagou na.

Luku 3:2 Iomraidhean Croise

Profet Isaia 40:3

Iara neke nomhini kaisei naogla neke eha eghu mei, “Ghotilo tarabana nabrou ka namono nagou malagna Lord! Uve, ghotilo fadoglo nabrou malagna noda God!

Profet Jeremaea 1:2

God neke cheke ka mae Jeremaea ka fabotho thilo finogha te funei fruni king Josaea thugna mae Amon. King Josaea neke funei ka kantri Juda nabagna varadaki finogha.

Profet Jeremaea 2:1

Lord ne cheke eghu ka iara,

Profet Jona 1:1

Lord ne cheke eghu ka mae Jona, thugna mae Amitai,

Profet Maeka 1:1

Igne nogna cheke Lord neke mei ka profet Maeka maegna ka namono Moreset. Lord ne falalase nogna cheke re ka mifi kate King Jotam, nei ka narane King Ehas, nei ka narane King Hesekaea, mae igre neke kafe king Juda. Mifi igre cheke eidi naikno gna namono Samaria, nodi namono biꞌo naiknodi Israel, nei naikno gna namono Jerusalem, nodi namono biꞌo naiknodi Juda.

Profet Sefanaea 1:1

Lord ne cheke ka mae Sefanaea ka narane te king mae Josaea, thugna mae Emon ka kantri Juda. Mae Sefanaea igne neke karha ka vikegna mae king Hesekaea. Mae Sefanaea gne thugna mae Kusi, eghuteuna mae Kusi gne thugna mae Gedalaea. Eghuteuna mae Gedalaea gne thugna mae Amaria, eghuteuna mae Amaria gne thugna king Hesekaea.

Matiu 11:7

Aonu, ke leghugna teke pulohi nogna mae fanomho Jone igre, mae Jisas ne toutonu eigna mana ka naiknore. Mana ne ghusna eghu ka mare, “Ghotilo teke tei ka namono nagou ia unha nafnata naikno teke tei filoni ghotilo jare na? Ghotilo neke tei filoni kaisei mae jateula fora te blele tafri kau nuri ra neku? Theo!

Matiu 26:3

Hatimare mae pris ulu nei hatimare mae biꞌodi mae Jiu eghu ne eni kaisei faidu ka sugagna mae Kaefas, mae pris biꞌo na.

Nonomho Te Keli Teke Risoi Mae Mak 1:2

Tifa na God neke cheke ka mae profet Isaia mala rioriso eghu eigna mana, “Iara ginauna na kuruni nogu mae mala hata nonomho na mala tei ke ulumu iagho. Mana ginauna na tarabana nabroumu iagho.”

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Jone 1:23

Mae Jone ne cheke eghu ka mare, “Iara gne ngala mae teke cheke eghu mae profet Isaia tifa ia, ‘Kaisei mae na eha fabiꞌo ke lamnagna namono nagou na na cheke eghu: Noda mae funei na la meihi, tarabana nabrou mala meigna mana!’ ”

Jone 18:24

Ka vido tuana mae Anas neke kuru teini mae Jisas ka mae Kaefas mae pris biꞌo na. Mare ne theome rurutha phia khamegna mana re.

Mae Khuru 4:6

Mae Anas, mana te mae pris biꞌo ka finogha tuana, nei mae Kaefas, nei mae Jone, nei mae Aleksada, nei mae iheire langau teke vikegna mae pris biꞌo na eghu au neu jare.