Luku 3:17 - Buka Blahi Ka Cheke Holo

¹⁷ Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fota gano te keli ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Luku 3:17 Iomraidhean Croise

Nodi Khoje Hatimare Mae Jiu 1:4

Naikno te diꞌa puhidire na theome jateula tuana eghu. Thono theo fara. Mare na jateula chara te flalo ka nuri ia eghu kolho.

Profet Isaia 30:24

Nomi buluka nei dongki teu te mala dokha glose ka nagare na are ginauna ghamu gano te keli mala nheta.

Profet Jeremaea 15:7

Iara ginauna atha fajifla ghami ghotilo ka nomi namono are, jateula mae ihei te koko haghe wit ka nuri te mala khoko chara ka khatudi ra eghu. Ghotilo nogu naikno iara gre jateula chara wit te theo nafudi ra eghu. Eghuteuna iara ginauna atha fadelei, nei goigoni fahui eghu nomi gobigna lepo te gnafa ghotilo are, naugna ghotilo ne theome koko puhimi te diꞌare.

Profet Maeka 4:12

Nu mae igre theome laseni gaoghathogna Lord. Tutuani, naiknodi kantri igre theome laseni Lord te kilodi mare te mala khapru mei ka vido igne, eghuteuna Lord ginauna thofno goigonidi fara mare. Lord ginauna na jateula mae te bubukrei sisi wit te mala mei buluka te tapla ke kligna te mala fagagae khune ra eghu.

Matiu 13:30

Keliu mala kotu fodu wit ghe sokiaro are ghilei thokeni narane te mala ghanodi wit are. Ka narane ukli na iara ginauna cheke eghu ka mae glokure: Ululahu ghotilo na salo sokiaro are mala haru fodu eghuteuna koko lao ka khaꞌaghi. Eghuteuna ukli wit are mala fafofodu nogu suga gano iara ana.’ ”

Matiu 3:12

Mana ginauna fatedi naikno te gnafare. Tutuani, mana ginauna vavahi iheire te doglore ka iheire te theome doglore. Jateula mae ihei te fofota gano te kelire ka gano te diꞌara eghu. Te kelire mala lilisei ka nogna suga na. Te diꞌare mala koko lao ka khaꞌaghi te karha fabrahu na.”

Luku 3:18

Kmana nafnata phoge te edi mae Jone kate toutonuni u Nonomho te Keli na ka naikno igre. Mana neke cheke faheta mala tughu mare nagnafadire.