Luku 24:47 - Buka Blahi Ka Cheke Holo

^47-48 Ghotilo neke filodi glepo igre. Eghume ghotilo mala toutonu ka naiknore mala tughu nagnafa nei nakarha eghu mare. Jame te eni mare igne na, God ginauna hata fadeleidi nakhibodire. Ghotilo mala fufunu Jerusalem. Toutonu glepo igre ka nanghagu iara ranghidi naikno ka namono te gnafa ka nauthoglu gne.

Luku 24:47 Iomraidhean Croise

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Nodi Khoje Hatimare Mae Jiu 22:27

Naikno te gnafa nei kokholo te gnafa teu kau nauthoglu igne ginauna nake pulo mei ka iagho mala tufru soru nigho.

Nodi Khoje Hatimare Mae Jiu 67:7

God te fablahi ghita. Naikno te au heva te heva ka nauthoglu igne mala ghatho tahuni mana.

Nodi Khoje Hatimare Mae Jiu 86:9

Iagho neke vuavuha naikno te au ka kantri te igre. Mare ginau mei pogho soru ka iagho mala cheke fakelini nanghamu iagho na.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Profet Isaia 49:22

Lord God ne cheke eghu, “Iara ginau lilisei kaisei fagaglana mala filoni naiknodi keha kantri are mala ke atha ke pulo mei thumi ghotilore.

Profet Isaia 49:6

eghuteuna mana ne cheke eghu ka iara, ‘Iagho ginauna toghodi vikegna Israel te karha teu igre, mala ke rheta fapulo jateula teke ululahu ra eghu. Nu iara au gloku malamu iagho te biꞌo te salaꞌui fara. Iara ginauna vahi nigho iagho mala jateula juta eghu ranghidi keha kantri are, eghuteuna nogu nolaghi iara na te mala fakarhidi naiknore, mala tei posa ka vido te gnafa ka nauthoglu igne.’ ”

Profet Isaia 5:4

Iara la edihi gobigna lepore ka nogu nagare iara igne eghuteuna iara theome laseni unha nate eni tagna na. Kate tei mala hata sisi teu iara tagna na, iara ne filodi kolho sisi te diꞌare.

Profet Isaia 52:10

Lord ginauna fakakhana nogna nolaghi te blahi na. Eghuteuna naikno te gnafa ka nauthoglu igne ginauna filoni mana te fakarhidi nogna naiknore.

Profet Isaia 52:15

Nu gognarona naiknodi ka kantri te gnafa igre ginauna jaglo nodi fara ka mana, eghuteuna hatimare mae king ginauna iho cheke ke ulugna mana. Naugna mare neke theome nomhini eigna mae igne, eghuteuna mare ginauna nomhi fakelidi unha glepo teke theome nomhidi mare tifare.”

Profet Jeremaea 31:34

Ginauna na theo kaisei naikno nate farirhiuni kheragna ba thabusigna na ka puhi te cheke eghu igne, ‘Ghotilo mala laseni Lord!’ Naugna ka narane tuana, naikno te gnafa igre ginauna lase ghauhi iara, neuba ihei ne fnakno ba theo. Iara ginauna atha fadelei thua glepo te diꞌa teke edi mare re, eghuteuna iara ginauna nake theome ghathodi nakhibodire.” Igne chekegna Lord.

Profet Daniel 9:24

“God na liliseihi fati gobi nheva salei finogha te mala toghodi nou naikno iaghore balugna namono biꞌo Jerusalem. Ka gnafadi narane tuare, mana ginauna koko fahui nakhibomi nei puhimi teu ghotilo te diꞌare. Eghuteuna mana ginauna lilisei gaoghatho te doglo ka nogna naiknore mala au fakeli tifa tifa. Eghuteuna mifi nei nodi cheke hatimare mae profet teu igre ginauna thoke mei tutuani. Funu gognarogne, Sugablahi igne ginauna thono blahi fara.

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Profet Hosia 2:23

Iara magnahaghedi nogu naiknore te au ka namono te keli. Tifa na iara neke kilo ghami ghotilo, Lo-Ruhama, naugna iara neke theome magnahaghei ghami ghotilo. Nu gognarona iara kela magnahaghei ghami ghotilo. Tifa na iara neke kilo ghami ghotilo, Lo-Ami, naugna ghotilo neke theome nogu naikno iara, nu gognaro na ghotilo nogu naikno iara. Eghuteuna naiknodi Israel igre ginauna cheke eghu ka iara, ‘Iagho nomi God ghehati!’ ”

Profet Maeka 4:2

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla mei Jerusalem, eghuteuna mana ginauna farirhiudi naiknore puhigna mana heva heva.

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Matiu 28:19

Eghume, ghotilo tei mala farirhiudi naikno ka namono te gnafa ka nauthoglu igne mala nogu mae fanomho iara. Faꞌapublahidi ka nanghagna Mama nei Thugna nei Tharunga te Blahi.

Matiu 3:2

Mana ne cheke eghu ka naikno te fanomho ka mana re, “Ghotilo lilisei puhimi te diꞌare, naugna narane God nate funei frunidi nogna naiknore la namo meihi!”

Matiu 9:13

Jateula tuana eghu, iara gne theome mei mala kilodi naikno te doglohi ke ulugna God te mala leghu ghau iara na. Nu iara gne mei mala kilodi kolho naikno te diꞌare mala hogri nagnafa. Ke pulo si ghotilo mala hironi u gaoghathogna chekegna God igne, ‘Iara theome magnahaghedi nomi fafara ghotilo re, nu iara magnahaghei ghami ghotilo te kokhonidi nei taji fakelidi teu naiknore!’ ”

Luku 13:34

Aonu, mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra eghuteuna fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghignara eghu. Nu ghotilo tiromi magnahagheni ngala.

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Mae Khuru 11:18

Kate nomhini naikno khiloau re igne, mare ne theome chekeni kaisei glepo ka mae Pita. Nu mare ne cheke fakelini God, ne cheke eghu, “Eghume, God ne snakredi naikno te theome Jiure mala figri ka mana mala karha.”

Mae Khuru 13:46

Nu mae Pol ghe mae Banabas ne theome mhaghu ne cheke eghu, “Ghepa magnahaghei te kulu toutonuni ka ghotilo mae Jiu chekegna God gne. Nu ghotilo tiromi fanomho, eghuteuna ghotilo vahi ghami themi te theome nabami te hatini u karha fei tifa na. Eghume ghehati gognaro na tei ka keha naikno te theome Jiu.

Mae Khuru 2:38

Mae Pita ne cheke eghu ka mare, “Tughu nagnafa, nei kafe apublahi ka nanghagna mae Jisas Kraes, aonu God ginauna hata fadelei u nakhibomire nei tusu ranghi ghami u Tharunga te Blahi na.

Mae Khuru 20:21

Iara neke orio cheke faheta ranghidi mae Jiu ba mae Griki mala lilisei mare puhidi te diꞌare mala figri ka God nei mala fatutuani ni noda Lord Jisas.

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Mae Khuru 26:20

Ulu lahu na iara neke funu cheke ranghidi naiknore Damaskas mala koko puhi te diꞌare mala figri ka God, nei falalaseni nodi thofno hogri nagnafa na kate edi glepo te kelire. Eghuteuna iara neke tei Jerusalem nei ka nohi te gnafa ka Provins Judia neke toutonu cheke igre, nei jaola ka naikno te theome Jiure.

Mae Khuru 28:28

“Eghume, iara magnahaghei ghami ghotilo te laseni eigna God neke kuru meini u nonomho gna mae Fakarha na ranghidi naikno te theome Jiu. Eghuteuna mare ginauna na nomhini cheke igne!” Ke leghugna te chekeni mae Pol igne, mae biꞌodi Jiure ne jifla.

Mae Khuru 3:19

Eghume ghotilo hogri nagnafa, mala ke figri ka God, mala hata fadeleidi mana nakhibomire.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Letas Teke Riso Tei Mae Pol Ka Khiloau Rom 5:20

God neke tusu mei ka mae Moses u vetula na mala thofno laseni naiknore nodi najafra biꞌo na. Kate edi kmana najafra naiknore, nogna khokofakasai God na biꞌo ne salaꞌui ranghidi naiknore.

Efesus 1:6

Tahati kilo fnaknoni God eigna nogna khokofakasai te thofno keli fara! U khokofakasai igne mana neke khogla tusu ranghi ghita kolho naugna nogna gloku mae Jisas mae ihei God te namhani fara.

Kolose 1:27

God magnahaghei falalase ka nogna naiknore u famane cheke poru igne mala toghodi fara naikno te gnafa ka nauthoglu igne. U cheke poru igne gaoghathogna na mae Kraes na auhi ke lamnami ghotilo, eghuteuna mana ginauna hata ghami tei mala au balugna God.

Ululahu Jone 2:12

Iara riso ari ka ghotilo glepo igre thuguro, naugna God hata fadeleihi nakhibomire ka nanghagna mae Jisas.