Luku 24:44 - Buka Blahi Ka Cheke Holo

⁴⁴ Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Luku 24:44 Iomraidhean Croise

Jenesis 14:18

Mae Melkisedek gne mana mae king gna ka namono Salem. Mana neke kaisei mae pris nogna God, mae ihei te fnakno fara. Mana hata ne mei keha bret nei waen eghu ka mae Ebram.

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Nodi Khoje Hatimare Mae Jiu 118:22

U thina teke tirodini mae iheire te horo suga na, kela kegra haghe kaisei thina ulu fara ka suga na.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Profet Isaia 52:13

Lord ne cheke eghu, “Unha nate edi nogu mae gloku iara igne ginauna ari thofno horoghoto fara. Naiknore ginauna ghatho tahuni nei pala hagheni eghu nanghagna mana na kligna.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Profet Jeremaea 23:5

Lord ne cheke eghu, “Nogu Narane iara na ginauna mei. Ka narane igne, iara ginauna vavahi kaisei mae te keli ka vikegna King Devet. Mae igne ginauna kaisei king te au tagna gaoghatho te keli, eghuteuna mae igne ginauna funei frunini kantri igne ka puhi te thofno doglo fara.

Profet Jeremaea 33:14

“Iara cheke tutuani ka ghotilo. Iara liliseihi kaisei narane edi glepo teke nhaꞌa chekedi iara ra. Igre ginauna mei tutuani ka naiknodi Israel nei Juda.

Profet Esikiel 17:22

“Lord God ne cheke eghu: Iara thegu ginauna kato seuseku gna kaisei gaju sida, mala joꞌu ke kligna gna kaisei thogele te thono haghe fara.

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Profet Hosia 3:5

Eghuteuna kaisei narane ke leghudi igre, naiknodi Israel ginauna nake hogri nagnafa mala ke figri ka nodi Lord, nei nodi God. Eghuteuna mare ginauna nake jaola nake figri ka mae ihei nate karha mei ka vikegna mae king Devet, mae igne ginauna nodi king mare. Eghuteuna ka narane tuare, naiknore ginauna mei ka Lord mala kilo fnaknoni mana, eghuteuna mana ginauna na fablahidi.

Profet Emos 9:11

Lord ne cheke eghu, “Ginauna nake thoke mei narane na teke toghoni iara Israel mala teke rheta fapulo na. Naiknodi Israel igre jateula kaisei suga tela grofohi ra eghu, nu iara ginauna nake babana fapulo mala ke keli jateula teke ka narane teke king mae Devet tifa ia eghu.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Sekaraea 14:4

Ka narane tuana, mana ginauna kegra kligna ka Thogele Gaju Olivi ke kosi Jerusalem ke maghati, eghuteuna thogele igne ginauna fnota farihotei. Kaisei vido na ginauna thugha tei ke raru, eghuteuna keha vido na thugha tei ke mata, eghuteuna glogu biꞌo ginauna au farihotei, funu maghati tei posa ke mosu.

Profet Sekaraea 6:12

Eghuteuna iagho cheke ka mana eigna Lord mae ihei te au nolaghi fateote'o igne neke cheke eghu, ‘Fanomho mei! Mae ihei te kiloni nanghagna na Grege igne ginauna biꞌo haghe nei nheta eghu. Mae igne ginauna nake babana fapuloi nogu Sugablahi iara na,

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Naba 21:8

Lord ne cheke eghu ka mae Moses, “Iagho ginauna atha bras mala eni kaisei mogo, eghuteuna nhaꞌa haghe ka kaisei khegra, eghuteuna fakegra haghe khegra tuana. Mae ihei nga ne kathini mogo phanaga nu, mana ginauna na filo haghe ka mogo tuana, eghuteuna mana ginau ke keli fapulo.”

Naba 35:25

Eghuteuna jame te laseni mare te fiti lehe mana ka hoholo na, ghotilo ginauna lhotini kheragna mae te lehe igne mala thosei ke edi keha glepo ka mae te aknu poru na. Ghotilo ginau ke kuru tei ka kaisei namono mala poru mana. Mana mala au jare ghilei thokeni narane mala lehegna mae pris biꞌo na.

Matiu 1:22

U glepo igre ne horoghoto ka unha teke chekeni Lord God ka mae profet Isaia,

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Matiu 26:54

Nu iara theome eni igne, naugna iara mala horoghoto ka unha te chekeni ka grioriso te blahi ia.”

Matiu 26:56

Nu glepo igre thoke mei ka iara gognarogne mala horoghoto ka unha teke risodi hatimare mae profet tifa ra.” Aonu kate nomhidi cheke mana igre hatimare mae fanomhore kafe rikha ne tei kokoni mana.

Nonomho Te Keli Teke Risoi Mae Mak 9:31

Naugna mana neke farirhiudi nogna mae fanomhore ne cheke eghu ka mare, “Iara mae teke mei funu ka God gne ginauna mare na snakre lao ghau iara ka khamedi naiknore mala falehe ghau iara. Nu ka fatilo narane na iara ginauna nake kegra fapulo kau karha.”

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Luku 22:37

Eghuteuna te chekeni iara ka ghotilo na, grioriso te blahi na cheke eghu, ‘Mana na snakreni thegna mala lehe baludi mae te glalama fara re’. Cheke igne na tutuani fara ka iara nei unha teke risoni mae profet eigu iara tifa ia la horoghoto fara gognaro gne.”

Luku 24:46

Mana ne cheke eghu ka mare, “Igne unha teke chekeni ka grioriso te blahi na, ‘Mae Kraes na mala lehe eghuteuna ka fatilo narane na mana nake kegra fapulo.’

Luku 9:22

Eghuteuna mana jaola ne cheke eghu ka mare, “Iara mae teke mei funu ka God na, mare ginauna para ghau fara iara. Ginauna hatimare mae pris ulu, nei hatimare mae velepuhigna vetula nogna mae Moses, nei mae biꞌodi hatimare mae Jiu langau eghu na tirodi ghau iara. Mare ginauna na eꞌei puhi mala falehe ghau iara. Nu ka fatilo narane na God nake fakarha fapulo ghau iara kau glehe.”

Luku 9:44

“Fanomho fakeli ka unha nate chekedi iara ka ghotilo gognaro gre! Iara mae teke mei funu ka God gne, mare ginauna na snakre lao ghau iara ka khamedi naiknore.”

Jone 3:14

Mae Moses neke lilisei haghe ka gaju na u thotoghale gna mogo na ka namono nagou na tifa. Eghume mare ginauna jateula tuana eghu na tupijuru ghau iara mae teke mei funu ka God na kau gaju fafatha.

Jone 5:39

Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Jone 5:46

Jame thofno fatutuanidi ghotilo unha teke chekedi mae Moses re na ghotilo tangomana te fatutuani ghau iara na, naugna mana neke rioriso eigu iara.

Mae Khuru 13:33

Eghuteuna God neke eni u nhaꞌa cheke igne ne tutuani ka tahati thudi mare re. Mana neke eni igne kate fakarha fapuloni mae Jisas kau glehe na, jateula te chekenihi ka buka Sam phei philegna, “ ‘Iagho mae Thugu iara. Funu gognaro gne, iara mae Kmamu iagho.’

Mae Khuru 13:40

Eghume fiofilo ghami ghotilo ia, na eghunu khale ka unha te chekeni hatimare mae profet igne eghu,

Mae Khuru 2:27

Naugna iagho ginauna na theome lisa laoni tharungagu na Hades. Eghuteuna iagho ginauna theome snakreni nou Mae Blahi na mala boto ke lamna gluma.

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Mae Khuru 7:37

“Mae Moses igne neke cheke eghu ka naiknodi Israel re, ‘God ginauna na fakegra ranghi ghami ghotilo kaisei mae profet jateula iara eghu.’

Hibru 10:1

Nogna vetula mae Moses igne theome thofno cheke thakleni glepo te tuani na nu jateula thotoghale eghu kolho eigna glepo te keli nate thakle mei ginauna. Naugna igne nafnata fafara te eni koba leuleghu finogha theome naba te faklinodi iheire te mei pogho soru ka God re.

Hibru 3:5

Mae Moses mala reireghi fakelini tharaknagna God nei edi unha teke magnahaghedi God re. Nogna gloku mae Moses igne mala toutonuni unha nate chekeni God thogheiro eigna Kraes. Eigna mae Moses kaisei mae gloku kolho.

Hibru 7:1

Gognaro gne iara na toutonu ranghi ghami ghotilo eigna mae Melkisedek. Mae Melkisedek gne kaisei mae king ka namono te kiloi Salem, nei mana kaisei nogna mae pris biꞌo God te au kligna. Mae Melkisedek neke ludeni mae Ebraham ke leghugna teke pulo mei mae Ebraham funugna ka vido teke tei magra mana teke falehedi fati mae king baludi nodi mae armi hatimare fati mae king igre. Jare mae Melkisedek thafoni mae Ebraham ne fablahini mana.

Hibru 9:8

Ka puhi igne, mae Tharunga te Blahi thofno falalase fakeli ka tahati u nabrou te mala ruma kau chogho te blahi fara na, u nabrou igne theome thora ngau, naugna suga tapuale gna tifa igne kegra ngau.

Ululahu Pita 1:11

Tharunga gna mae Kraes na neke au baludi mare. Eghuteuna mae Tharunga na neke chekeni eigna mae Kraes nate kulu au papara, eghuteuna ke leghugna igne God ginauna tusu ranghini mana siasigla balu nolaghi biꞌo. Hatimare mae profet neke fariuriu hironi faneha ba niha nau nate thokei mei glepo igne ginauna.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.