Luku 24:27 - Buka Blahi Ka Cheke Holo

²⁷ Aonu mae Jisas ne funu rurutha fakeli ka phiamare gobigna lepo teke rioriso mare eigna thegna ka grioriso te blahi ra. Mana ne fufunu ka nogna grioriso mae Moses nei ka chekedi hatimare mae profet te gnafare.

Luku 24:27 Iomraidhean Croise

Jenesis 12:3

Iara ginauna na cheke fakelini ihei te cheke fakeli nigho iagho na, nei iara na tibrini ihei te tibri nigho iagho na eghu. Naugna iagho nogu iara, eghume iara ginauna na fablahidi naikno te gnafa ka nauthoglu gne.”

Jenesis 22:18

Naikno te gnafa ka nauthoglu igne mare ginauna na tore ghau iara mala fablahidi jateula teke eni iara ka vikemu iagho ra eghu. Naugna iagho ne ghatho tahu ghau nei leghuni neu nogu cheke iara na.’ ”

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Jenesis 3:15

Iara ginauna na eni igne ka iagho mala nogna naoka gaꞌase igne, eghuteuna gaꞌase igne mala nou naoka iagho. Eghuteuna iara ginauna na jaola eni igne ka vikemu iagho re mala nogna naoka vikegna gaꞌase igne. Mare ginauna na tapla poaposa phaꞌumu iagho na, eghuteuna iagho ginauna nake figri faleghu nake kakathu ka ghahedire.”

Jenesis 49:10

Naikno nate karha mei ka vikemu iagho re ginauna mala au fabrahu ka sapegna king na. Eghuteuna naikno te gnafa re ginauna leghuni mae funei ka vikemu iagho na.

Nodi Khoje Hatimare Mae Jiu 132:11

Iagho neke eni kaisei nhaꞌa cheke te theome bligi ka mae Devet te theome tangomana iagho te fakhusui na. Uve, iagho neke nhaꞌa cheke eghu agne, “Iara ginauna vahini kaisei mae thumu iagho mala king, eghuteuna mana ginauna mala funei frunidi naiknore ke leghumu iagho.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Profet Isaia 9:1

Neuba, namono te autagna puhi biꞌo igne, gromno na ginauna theome au fabrahu tagna. Tifa na, Lord neke eni vikegna Sebulun, nei vikegna Naftali teu igre ginauna au mamaja. Eghuteuna nanghagna nodi namono na ginauna thono diꞌa fara. Nu ka narane nate mei ginauna, Lord ginauna fafnaknoni nanghagna namono igne. Mare kiloni namono igne Galili, kmana naikno te theome Jiu na au tagna. Funu ka Thongna biꞌo Mediterenian tei posa ka keha philegna Khoꞌu biꞌo Jordan.

Profet Esikiel 34:23

Iara ginauna vahini kaisei nogu mae gloku ka vikegna Devet mala nodi king mare. Eghuteuna mana ginauna reireghidi nogna naiknore jateula mae ihei te reireghidi nogna sipura eghu.

Profet Esikiel 37:25

Mare ginauna au ka namono teke tusu lao iara tifa ka kuꞌedi mare Jekop, nogu mae gloku iara ia. Igne namono teke au tagna kuꞌedi mare tifara. Ginauna mare balu thudi nei iheire nate karha mei ke leghudi mare re teu igre ginauna au fabrahu ka namono igne. Eghuteuna king ka vikegna King Devet igne ginauna funei frunidi mare tifa tifa.

Profet Daniel 7:13

“Ka bongi te filoni iara mifi igne, iara ne filoni kaisei glepo te jateula naikno ka nauthoglu igne eghu. Mana ne soru mei funu kligna ne kegra ke kligna grokho, eghuteuna mana mei ne namo ka iara. Mare hata ne tei mae igne ka God mae ihei te au fabrahu funu tifa na.

Profet Maeka 7:20

Ghehati tharakna gna Jekop rouronu nigho fabrahu. Uve, ghehati lase nigho iagho ginauna ghatho tahu ghami ghehati fabrahu nei namha ghami ghehati tharakna gna Ebraham. Ghehati thofno laseni igne, naugna iagho neke nhaꞌa cheke ka kuꞌemi ghehati tifa ra.

Profet Sekaraea 13:7

Lord mae ihei te au nolaghi fateote'o igne, mana ne cheke eghu, “Nogu naflahi mala magra iara! Iagho tarabana mala magra ka kheragu iara mae ihei te reireghi nogu sipu iara gre. Iagho faleheni mana, eghuteuna sipu igre ginauna tei tafri. Iara ginauna jaola magra ka nogu sipu ikodi iara gre.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Profet Malakai 4:2

Nu ghotilo naikno te ghatho tahuni nanghagu iara na igre nogu nolaghi iara na ginau soru mei ke klignami ghotilo jateula naphaegna naprai te agha soru mei funu klignara eghu mala fablahi ghami ghotilo. Eghume, ghotilo ginauna na snagla nomi nei glealeꞌa nomi eghu, jateula sua buluka te jifla balu glealeꞌa ka bara na te ghasa tafri ra eghu.

Naba 21:14

Uve, kaisei buka te cheke eidi magra teke chekeni Lord eigna namono Waheb jare nohi Sufa, nei eidi gloha Khoꞌu Anon,

Nonomho Te Keli Teke Risoi Mae Mak 4:34

Mana farirhiudi koba ka cheke naba. Nu kate au sopa teu baludi nogna mae fanomhore mae Jisas rurutha gobigna lepo igre ka mare.

Luku 24:25

Ke leghugna igne mae Jisas ne cheke eghu ka phiamare, “Tore, ghopa gne ihou kolho signe. Ghopa gne theome faghose fatutuanidi kolho gobigna lepo teke chekedi hatimare mae profet ra!

Luku 24:44

Mana ne cheke eghu ka mare, “Glepo te edi ka iara igre, iara neke kulu chekedihi ka ghotilo ka teke au nga tekeu iara balumi ghotilo ia. Iara neke rurutha fakelihi ka ghotilo eidi unha teke rioriso eigu iara ka nogna vetula mae Moses, nei ka nodi buka hatimare mae profet, nei ka buka Sam teu igre. Tutuani fara teke chekeni iara ka ghotilo na, gobigna lepo igre la tutuani fara.”

Jone 1:45

Ke leghugna igne, mae Filip tei ne thafoni mae Natanel ne cheke eghu ka mana, “Ghehati la thafonihi mae ihei mae Moses teke rioriso eigna mana ka buka vetula ia, nei hatimare mae profet neke rioriso eigna la mana. Nanghagna na mae Jisas, thugna mae Josep, mae gna ka namono Nasaret.”

Jone 12:41

Mae Isaia neke chekedi glepo igre tifa na, naugna mana la kulu filonihi nogna nolaghi biꞌo mae Jisas na ne chekeni igne eigna mana.

Jone 5:37

Uve, mae Mama mae ihei teke kuru mei ghau iara na, mana thegna neke cheke eigu la iara. Ghotilo neke theome nomhini u naoglagna mana na, nei theome filoni la mana.

Jone 5:39

Famane hiro fakelidi si ghotilo u gaoghathodi u grioriso te blahi gne, naugna ghotilo gaoghathomi ka glepo igre na, te tusu ranghi ghami u karha fei tifa na eghu. Eghuteuna u grioriso te blahi igre cheke eigu iara kolho!

Mae Khuru 10:43

Hatimare mae profet te gnafare neke toutonu eigna la mana, neke cheke eghu, ‘Ihei te fatutuani ni mae Jisas na, God ginauna na hata fadelei nakhibodire ka nanghagna mae Jisas.’ ”

Mae Khuru 3:18

Nu tifa na God neke cheke mei ka hatimare mae profet ra, eigna mae Kraes gne ginauna mala au papara. Eghuteuna ka puhi igne God ne fahoroghotoni unha teke chekeni thegna na.

Mae Khuru 3:22

Eghuteuna mae Moses neke cheke eghu ka mae kuꞌeda tahati ra, ‘Nomi Lord God ginauna na snakre meini kaisei mae profet ka ghotilo jateula iara eghu. Mana ginauna na kaisei mae ka ghotilo themi ngala. Ghotilo fanomho fakeli ka gobigna lepo te chekedi mana ka ghotilo re.

Mae Khuru 3:24

“Uve, funu ka mae Samuel nei hatimare mae profet te gnafa teke mei ke leghugna mana re neke kafe chekedi gobigna lepo te edi gognaro igre.

Mae Khuru 7:37

“Mae Moses igne neke cheke eghu ka naiknodi Israel re, ‘God ginauna na fakegra ranghi ghami ghotilo kaisei mae profet jateula iara eghu.’

Mae Khuru 8:35

Mae Filip ne funu toutonu eigna u phugra cheke blahi ka buka na igne, eghuteuna toutonu ranghini mae biꞌo na u Nonomho te Keli eigna mae Jisas.

Diutronomi 1:45

Aonu mare figri neke mei tanhi ka Lord. Nu Lord ne tirogna fanomho ka mare.”

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.