Luku 23:9 - Buka Blahi Ka Cheke Holo

⁹ Mae Herod ne ghusnani mae Jisas kmana ghusna. Nu mae Jisas ne theome cheke tughu ka mae Herod.

Luku 23:9 Iomraidhean Croise

Nodi Khoje Hatimare Mae Jiu 39:9

Gognaro na iara au kmu. Iara na theome gagri kaisei cheke, naugna iagho neke para ghau.

Profet Isaia 53:7

“Neuba mare ne parani mana, mana neke theome eni kaisei cheke. Mana nhaꞌa faparini kolho thegna. Mare athani mana jateula sipu majaghani te mala aknu falehe ra neku. Mana jateula sipu te au kmu ra neku kolho kate kuchi mare khaklagna re, mana neke theome eni kaisei cheke.

Matiu 27:12

Mae Jisas ne theome cheke tughu ka nodi fathoro hatimare mae pris ulu nei hatimare goro mae biꞌo.

Matiu 27:14

Nu mae Jisas ne theome cheke tughu ka mae Paelat. Aonu, mae Paelat ne jaglo nogna fara ka igne.

Matiu 7:6

“Thosei tusu lao glepo blahire ka naikno te diꞌare. Naugna mare jateula bukrei bosu te goigonidi glepo te blahi ra eghu, ba jateula bukrei khuma te mei kathi ghami ghotilo ra eghu kolho.”

Nonomho Te Keli Teke Risoi Mae Mak 15:5

Nu mae Jisas ne theome ghagrini kaisei cheke. Aonu mae Paelat ne jaglo nogna fara ka igne.

Luku 13:32

Mae Jisas ne cheke eghu ka mare, “Tei si ghotilo cheke eghu ka mae Herod mae ihei te lase saosagro fara jateula khuma fakaukathu teu tuana! ‘Gognaro ba nathuꞌu iara na bruedi naiture eghuteuna nake fakarha fapulodi naikno te fogra re. Eghuteuna ka fatilo narane na, iara ginauna na gnafa ka nogu gloku na.’

Luku 23:10

Hatimare mae pris ulu nei hatimare mae velepuhigna vetula nogna mae Moses eghu re kegra neu jare. Mare cheke lao kmana nafnata cheke te diꞌa eigna mae Jisas.

Jone 19:9

Aonu, mana neke ruma lamna suga ne ghusna eghu ka mae Jisas, “Iagho neke mei funumu aheva sia?” Mae Jisas ne theome cheke tughu ka mana.

Mae Khuru 8:32

Igne u phugra cheke blahi teke iu'ijuni mae biꞌo na, “Mana jateula kaisei sipu te hata te tei mare te mala falelehe ia eghu. Mana au kmu jateula kaisei sipu te theome tanhi kate kuchi mare khaklagna na. Mana theome chekeni kaisei cheke.

Ululahu Pita 2:23

Eghuteuna kate cheke fadiꞌani na, mana neke theome cheke diꞌa fapulo. Kate parani na, mana theome diꞌatagna. Nu mana rouronu ka God mae ihei tangomana te fate naikno ka puhi te doglo.