Luku 23:40 - Buka Blahi Ka Cheke Holo

⁴⁰ Nu keha mae glalama igne ne cheke eghu balu diꞌatagna, “Ghema, iagho theome ghatho tahuni God sia? Naugna iagho jateula mana eghu mala kafe au ka fate!

Luku 23:40 Iomraidhean Croise

Fapea Kronikols 28:22

Kate au ka puhi biꞌo na, King Ehas ne theome fatutuani ka Lord ne edi kmana puhi te diꞌa.

Nodi Khoje Hatimare Mae Jiu 36:1

U nakhibo na au ka thi'agna mae te gnognoro na eghuteuna mana leghuni fabrahu puhigna nakhibo na. Mae te gnognoro igne tirogna mhaghuni God, nei theome ghatho tahuni eghu God.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Levitikas 19:17

“Ghotilo thosei tiromini fara kherami na, nu kate filoni ghotilo kherami igne te eni mana unha te jafra na, ghotilo tei cheke ka mana najafra igne. Ka puhi igne ghotilo ginauna theome eni nakhibo na ka mae tuana.

Matiu 20:9

“Mae gloku teke tei funu loku tanhi glimai ra mei ne hata nodi tabare. Mare ne sopa hata kaisei sileni kolho.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Luku 23:39

Kaisei mae ka phia mae glalama igre ne cheke fadiꞌa eghu ka mae Jisas. “Ba, iagho mae Kraes sia? Fakarha nigho themu nei fakarhi ghamila ghepa eghu!”

Luku 23:41

Tapa nabada te mala lehe na. Lehe tughudi unha puhi te diꞌa teke edi theda tifa ra. Nu mae igne theo kaisei nakhibogna.”

Efesus 5:11

Eidi naikno te au nga teu kate romno gre, ghotilo thosei fofodu baludi mala edi glepo te diꞌare. Eigna glepo igre mala fadiꞌadi kolho nakarhadi naiknore. Nu ghotilo falalase ranghidi unha te eni mare igne mala filo glanidi mare nodi najafrare.

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Thakle 16:11

Eghuteuna naiknore ne funu cheke faparini God gna kligna na, naugna khabru nei thubu biꞌo eghu ne au ka thinidire. Nu mare tirodi tughu nagnafa nei figri tagrudi eghu unha glepo te diꞌa teke edi thedire.