Luku 23:16 - Buka Blahi Ka Cheke Holo

¹⁶ Eghume iara na chekedi mae soldia ra mala purini mana, eghuteuna iara ginauna na snakreni mana mala tei nogna.”

Luku 23:16 Iomraidhean Croise

Profet Isaia 53:5

Nu theo eghu, mare neke faleheni mana eidi nakhiboda tahati re, eghuteuna mare parani mana eidi puhida tahati te diꞌa gre. Mana kabru ka naꞌau papara igne, naugna igne tahati au ka pharikeli. Eghuteuna ka nafneragna mana igre, tahati ke keli fapulo.

Matiu 27:26

Mae Paelat ne leghuni unha te toreni naiknore ne snakre fajiflani mae Barabas. Mae Paelat ne chekedi keha nogna mae soldia mala purini mae Jisas ka phukri. Aonu mana ne snakreni mae Jisas ka mae soldiare mala tei tupijuruni mana ka gaju fafatha.

Nonomho Te Keli Teke Risoi Mae Mak 15:15

Mae Paelat magnahaghei te keli tadi naiknore ne hata fajiflani mae Barabas. Eghuteuna mae Paelat ne chekedi mae soldiare mala purini mae Jisas. Aonu mae Paelat ne snakre laoni mae Jisas mala tupijuru ka gaju fafatha.

Luku 23:17

Naugna leuleghu finogha na mae Paelat hata fajifla kaisei mae sosolo.

Luku 23:22

Fatilo fata mae Paelat ne cheke eghu ka mare, “Naugna unha? Unha najafra si teke eni mae ignea? Iara theome filoni kaisei nafugna te mala faleheni mana na. Eghume iara ginauna purini mana mala hata fajiflani mana.”

Luku 6:37

Mae Jisas ne cheke eghu, “Thosei fateni ihei, na eghunu ke fate ghami God eghu. Thosei fathoroni ihei na, na eghunu ke fathoro ghami God eghu. Eghuteuna ghotilo hata fadelei nakhibodi keha naiknore mala nu ke hata fadelei langau God nakhibomire eghu.

Mae Khuru 16:37

Nu mae Pol ne cheke eghu ka mae pulisire, “Tore! Ghepa maemi Rom, eghuteuna mare theome hata ghami ghepa ka fate. Theo kolho. Mare fiti puri ghami ghepa ke uludi naiknore, nei koko lao ghami ka suga sosolo. Eghuteuna gognaro na mare magnahaghei te megei nga te hata fajifla ghami ghepa. Theo tuana! Keliu mala mei mare thedi hata fajifla ghami ghepa ka suga sosolo gne.”