Luku 23:10 - Buka Blahi Ka Cheke Holo

¹⁰ Hatimare mae pris ulu nei hatimare mae velepuhigna vetula nogna mae Moses eghu re kegra neu jare. Mare cheke lao kmana nafnata cheke te diꞌa eigna mae Jisas.

Luku 23:10 Iomraidhean Croise

Matiu 27:12

Mae Jisas ne theome cheke tughu ka nodi fathoro hatimare mae pris ulu nei hatimare goro mae biꞌo.

Luku 11:53

Kate jifla mae Jisas na, hatimare mae velepuhigna vetula nogna mae Moses nei hatimare mae Farasi eghu ne funu cheke faparini fara mana, nei ghusna kmana nafnata gusna ka mana.

Luku 23:11

Aonu mae Herod baludi nogna mae soldiare ne funu maꞌeni mae Jisas cheke faparini mana. Mare ne fapoko lao kaisei phoko te khuakhuda ka mana, mala jateula mae king eghu mana. Aonu mare ne kuru teini mana ka mae Paelat.

Luku 23:2

Kate posa jare na, mare ne funu vuavuha cheke eigna mae Jisas. Mare ne cheke eghu ka mae Paelat, “Ghehati lasenihi puhigna mae igne, mana batu fadiꞌadi nei chaghidi naiknore mala thosei foli takis ka Sisa, king biꞌogna Rom. Mana jaola kiloni thegna ‘Kraes’, kaisei mae king biꞌo.”

Luku 23:5

Naiknore ne cheke faheta fara ka mae Paelat, “Nu mae igne edi kmana puhi biꞌo ka nogna farirhiu te edi mana heva heva agne Judia ke lamnadi naiknore. Fufunu ka Provins Galili ghilei thoke agne Jerusalem.”

Luku 23:9

Mae Herod ne ghusnani mae Jisas kmana ghusna. Nu mae Jisas ne theome cheke tughu ka mae Herod.

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.