Luku 22:61 - Buka Blahi Ka Cheke Holo

⁶¹ Ka vido tuana la mae Jisas ne figri ne filo lao ka mae Pita. Aonu ka vido tuana mae Pita neke ghatho fapuloni unha teke cheke eghu mae Jisas na, “Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Luku 22:61 Iomraidhean Croise

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Profet Esikiel 16:63

Uve, iara ginauna nake togho nigho mala doglo iagho ka tathagu iara na eidi glepo diꞌa te gnafa teke edi iagho ra, eghuteuna kate ghathodi iagho re, iagho ginauna mamaja nou fara na theome chekeni kaisei glepo. Igne nogu cheke iara Lord God.”

Profet Hosia 11:8

“Israel! Iara theome tangomana nate tei koko ghami ghotilo na, ba te rikha ghami na. Iara na theome roꞌe ghami ghotilo jateula teke eni iara tifa ka phei namono biꞌo Adma ghe Seboim ra. Theo. Iara thofno namha ghami ghotilo ka nagnafagu na. Iara theome magnahaghei te eni kaisei puhi te diꞌa jateula ghotilo teuna.

Matiu 26:34

Mae Jisas ne cheke eghu ka mae Pita, “Tutuani fara te chekeni iara ka iagho na. Iagho ginau bongi na, iagho na chekeni ne theome lase ghau iara teuna. Iagho na thilo fata chaghi ghau iara ame taitanhi nga khokorako na eghu.”

Matiu 26:75

Aonu mae Pita neke ghathoni unha teke cheke eghu mae Jisas ia, “Ame taitanhi nga khokorako na teuna, iagho ginauna thilo fata chekeni ne theome lase ghau iara teuna.” Aonu mae Pita jifla kosi ne tanhi ne srudu balu diꞌanagnafa.

Nonomho Te Keli Teke Risoi Mae Mak 5:30

Kau vido tuana, mae Jisas ghosei ne haimini nolaghi te jifla mei ka mana. Aonu mana kegra snoto ne figri faleghu ka naiknore ne ghusna eghu, “Ihei site habo ka nogu phoko iara gnea?”

Luku 10:41

Nu mae Jisas ne cheke eghu ka naꞌa, “Mafa, iagho nangadi nei ghathodi eghu fara glepo te kmana gre.

Luku 22:34

Mae Jisas ne cheke eghu ka mae Pita, “Iara na cheke ari ka iagho, Pita. Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Luku 22:60

Mae Pita ne cheke eghu, “Ghema, iara theome laseni unha te chekeni iagho gne!” Kate cheke teu mae Pita na khokorako na ne taitanhi.

Luku 22:62

Aonu mae Pita jifla kosi ne tanhi ne srudu balu diꞌanagnafa.

Luku 7:13

Mae Jisas ne filoni naꞌa ne kokhoni nogna ni. Mana ne tei ka naꞌa ne cheke eghu, “Naikno biꞌo, thosei tanhi.”

Jone 13:38

Mae Jisas ne cheke eghu ka mae Pita, “Ba, iagho na lehe tutuani ranghi ghau iara sia? Tutuani fara te chekeni iara ka iagho na. Ame tanhi nga khokorako na teuna, iagho na thilo fata chekeni ne iho ghau iara teuna.”

Mae Khuru 5:31

Eghuteuna God neke hata hagheni mana mala gnokro fei nhetagna kau sape nafnakno mala funei fruni ghita nei mala fakarhi ghita. Mana neke eni igne mala tangomana naikno Israel gre te tughu nagnafa nei nakarha nei koko nakhibo.

Efesus 2:11

Mae Jiure vahe mae sua nalha'ure ka khamedi thedi, eghume kilodi thedi “Naikno vahe”. Nu mare kilo ghami ghotilo “Naikno theome vahe”. Naugna ghotilo neke theome karha mei Jiu. Uve, ghotilo ghathoni igne. Tifa na ghotilo neke au khaba fara ka Kraes neke theome au fodu baludi naikno teke vavahi God re. Ka narane tuana ghotilo neke au ke kosigna nhaꞌa cheke teke cheke mei God ka nogna naiknore. Eghuteuna ghotilo fiti au kolho ka nauthoglu igne aheva ghotilo te theome au kaisei glepo te keli te mala ofoni, nei ghotilo theome laseni God.

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.