Luku 22:52 - Buka Blahi Ka Cheke Holo

⁵² Mae iheire te mei lokini mae Jisas igre neke hatimare mae pris ulu, hatimare mae soldia te mala reireghi gna Sugablahi na nei keha mae biꞌo langau eghu. Mae Jisas ne cheke eghu ka mare, “Ba, ghotilo ne mae blau iara eghu gaoghathomi na mei agne mala loki ghau iara balu naflahi nei nanala eghu sia?

Luku 22:52 Iomraidhean Croise

Fapea Kings 11:15

Pris Jehoeada theome magnahaghedi mare te faleheni kuin ka vido Sugablahi na, aonu mana ne cheke eghu ka hatimare mae komanda, “Ghotilo hata jifla thau tuana ka mae te reireghi are, mala hata tei mare kosi. Jame ihei te fariuriu fakarhini thau igne, ghotilo ginauna na jaola aknu falehe mae tuana.”

Matiu 26:47

Kate cheke teu mae Jisas igne, mae Judas ne posa mei. Mae Judas gne kaisei mae ka hatimare nabotho phei mae fanomho igre. Kmana naikno hata ne mei naflahi nei nanala eghu balugna mae Judas. Eghuteuna mae pris ulu nei keha mae biꞌo eghu teke kuru meidire.

Matiu 26:55

Mae Jisas ne cheke eghu ka naiknore, “Ba, ne mae blau iara eghu mei balu naflahi nei nanala eghu mala mei loki ghau iara si ghotilo ia? Leuleghu narane iara gnokro farirhiudi koba naiknore ke lamna Sugablahi, nu ghotilo theome mei loki ghau ngala iara jare.

Luku 22:37

Eghuteuna te chekeni iara ka ghotilo na, grioriso te blahi na cheke eghu, ‘Mana na snakreni thegna mala lehe baludi mae te glalama fara re’. Cheke igne na tutuani fara ka iara nei unha teke risoni mae profet eigu iara tifa ia la horoghoto fara gognaro gne.”

Luku 22:4

Eghuteuna mana ne tei ka hatimare mae pris ulu, nei ka hatimare keha mae soldia eghu te reireghi gna Sugablahi na. Mana ne cheke ka mare eigna puhi te mala snakreni mae Jisas ka mare na.

Luku 22:51

Mae Jisas ne cheke eghu ka mana, “Ghema, kelihi!” Mae Jisas habo lao ka khuligna mae gloku igne neke keli fapulo.

Luku 22:53

Leuleghu narane na iara au balumi ghotilo fabrahu ke lamna Sugablahi, eghuteuna ghotilo theome mei loki ghau ngala iara. Nu igne ngala nomi narane ghotilo te mala loku ka nogna nolaghi Satan, mae ihei te funei frunini gromno na.”

Jone 17:12

Kani au tekeu iara baludi, iara neke taji fakelidi kau nolaghi gna nanghamu iagho na, nangha teke famei iagho ka iara ia. Iara neke kafe taji fakelidi mare hui. Eghuteuna kaisei mae ngala ka mare nate snivi na mala horoghoto ka unha teke cheke eghu kau grioriso te blahi ia.

Mae Khuru 5:26

Aonu, mae funei biꞌo baludi hatimare mae pulisire ne tei ka Sugablahi na mala ke hata fapulodi mae khurure. Nu mae pulisire ne theome loku lalamadi mae khurure, naugna mae pulisire mhaghudi naiknore glahula fadi falehedi ka thina.