Luku 22:42 - Buka Blahi Ka Cheke Holo

⁴² Mana ne cheke eghu, “Mama, jame te magnahaghei iagho na, iara tore nigho te mala hata fadelei kakhabruana biꞌo jateula hinao te fodu ka waen te raha teu ka iara igne. Nu eni unha te magnahagheni iagho themu na, thosei leghui unha te magnahaghei iara na.”

Luku 22:42 Iomraidhean Croise

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Profet Isaia 51:17

Dofra haghe ghotilo naiknomi Jerusalem! Ghotilo la koꞌuhi ka kapu te fodu ka diꞌatagna Lord teke tusu ari mana te mala para ghami ghotilo igne. Ghotilo te gnafa na koꞌu la thaviru fara, la nolo fameomekro tafri.

Profet Isaia 51:22

Lord, mae ihei te God nei nomi Funei teu ghotilo igne nate batu ghami ghotilo na. Mana neke cheke eghu, “Iara ginauna atha fadelei kapu te fodu ka diꞌatagu iara te para ghami fara ghotilo igne. Eghuteuna ghotilo ginauna na theome koꞌu ka kapu nate nolo tafri ghotilo balu fameomekro igne.

Profet Jeremaea 25:15

Lord nodi God mae Israel igne ne cheke eghu ka mae Jeremaea, “Iagho atha tei kapu te fodu ka diꞌatagu iara igne ka kantri te gnafa aheva nate kuru tei nigho iara na mala koꞌu mare.

Matiu 11:25

Aonu mae Jisas ne cheke eghu ka mae Kmagna na, “Mama, iara cheke fakeli nigho, iagho mae te funei frunidi gobigna lepo kligna ba pari. Iara cheke fakeli nigho, naugna iagho ne falalase ka iheire te jateula sua teu te ihoni thofno glalase na, nu iagho pophoru glalase igne ka naikno te lasedi kmana glepo nei fahaehaghe fara teu eigna nodi glalase na.

Matiu 11:26

Uve, Mama, iagho eni igne, naugna igne unha te thofno magnahagheni iagho na.”

Matiu 20:22

Mana ne cheke eghu ka retilo, “Ghotilo theome laseni unha te toreni ka iara na. Ba tangomana ngau si ghopa te au papara ka nafnata nate au papara iara gnea?” Phiamare ne cheke eghu ka mana, “Uve, ghepa tangomana.”

Matiu 26:39

Mae Jisas ne riu fadelei katha vido ka thilo mare. Mana pogho soru ne tarai, “Mama, jame te tangomana na, thosei snakre ghau iara mala au papara ka nafnata puhi igne. Nu eni unha te magnahagheni iagho themu na, theome leghui unha te magnahagheni iara na.”

Matiu 26:42

Mae Jisas jaola neke tei fapea fata na ne tarai. “Mama, keli fara te theome hata koko iagho ka iara glepo te kabru igne, iara na eni fahui unha te magnahagheni iagho na.”

Matiu 26:44

Mae Jisas ne jifla kokodi thilomare neke tei tarai fatilo fata na, neke chekedila unha teke chekedi thegna re.

Matiu 6:10

Ghehati magnahaghe nigho te mei funei fruni ghami, nei snakre meini unha te magnahagheni iagho agne pari jateula ngau kligna.

Nonomho Te Keli Teke Risoi Mae Mak 14:36

Mana ne tarai eghu, “Mama! Mama! Glepo te kmanare theome ninhigrana ka iagho te edire. Thosei snakre ghau iara mala au papara ka nafnata puhi igne. Nu eni unha te magnahagheni iagho themu na, thosei leghui unha te magnahaghei iara na.”

Luku 23:34

Mae Jisas ne cheke eghu, “Mama! Hata fadelei nakhibodi naikno igre, naugna mare theome laseni unha te eni na.” Eghuteuna mae soldiare ne lalahu khale mala laseni mae ihei nate hata nogna pohe mae Jisas re.

Jone 18:11

Mae Jisas ne cheke eghu ka mae Pita, “Ghema Pita, ke nhaꞌa fapulo nou naflahi ana! Iara na leghuni unha teke magnahagheni mae Mama te mala au papara na.”

Jone 4:34

Aonu, mae Jisas ne cheke eghu ka mare, “Ghegu gano iara na te mala leghuni unha te magnahaghei mae teke kuru mei ghau iara na nei mala loku fahuidi gloku mala mei edi iara teku mana re.

Jone 5:30

Iara theome tangomana te eni kaisei glepo leghuni u nogu gaoghatho thegu na. Iara tangomana te fateni naikno na leghuni unha te chekeni mae Mama na. Eghume unha te fatedi iara naiknore thofno doglo fara, naugna iara theome fariuriu loku leghudi kolho unha glepo te magnahaghedi iara thegu re, nu iara loku leghudi kolho unha glepo te magnahaghei mae teke kuru mei ghau na.

Jone 6:38

Naugna iara neke mei funu kligna mala edi unha te magnahaghedi mae Mama mae ihei teke kuru mei ghau iara na theome mala edi unha te magnahaghedi iara thegu re.

Mae Khuru 21:14

Ghehati theome tangomana ghami te cheke faꞌunha teu ka mana te mala tughu nagnafa mana na, aonu ghehati faꞌiho ghami kolho ne cheke eghu, “Unha te magnahagheni Lord na tuana ngala te mala eni na.”