Luku 21:36 - Buka Blahi Ka Cheke Holo

³⁶ Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Luku 21:36 Iomraidhean Croise

Thoutonu Eigna Mae Job 27:10

Eghu naugna, mae te diꞌa igne mana theome kelitagna ka God mae ihei te au nolaghi fateote'o igne, eghuteuna mana theome tarai koba ka God.

Nodi Khoje Hatimare Mae Jiu 1:5

God ginauna fate falehedi naikno te diꞌa puhidire igre. Eghuteuna mana ginauna na hata fadeleidi naikno te diꞌa re ka naikno te keli re.

Profet Jeremaea 35:19

Naugna igne, iara Lord mae ihei te au nolaghi fateote'o, nodi God maedi Israel, iara nhaꞌa cheke eghu ka ghotilo: Vikegna mae Jonadab, thugna mae Rekab igne ginauna theome lehe, eghuteuna naikno nate karha mei ka vike igne ginauna au fabrahu mala loku ranghi ghau iara.’ ”

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Matiu 24:42

“Eghume ghotilo tarabana fakeli nomi fabrahu. Naugna ghotilo theome laseni narane mala ke pulo meigna nomi Lord na.

Matiu 24:43

Nu ghotilo laseni igne, jame mae khotogna suga na laseni narane te mala meigna mae mala blau na, mana ginauna filo fakeli nei theome snakreni nogna suga na mala ruma mana.

Matiu 24:44

Eghume ghotilo jaola tarabana nomi fabrahu, naugna iara mae teke mei funu ka God na ginauna nake pulo mei kau nauthoglu igne ka narane te theome ghathoni ghotilo mala ke pulo meigu iara na.”

Matiu 25:13

Aonu, gnafa thonu tuana mae Jisas ne cheke eghu ka mare, “Eghume, ghotilo tarabana nomi koba. Naugna ghotilo theome laseni narane mala ke pulo meigu iara na.”

Matiu 26:41

Dofrau nei tarai eghu, mala theome khale ghami fariuriu. Naugna gaoghathomu iagho na magnahaghei eni unha te doglo na, nu thinimu iagho na nigra fara.”

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Nonomho Te Keli Teke Risoi Mae Mak 13:33

Eghume, fiofilo fakeli ghotilo ia, eghuteuna leuleghu fata na ghotilo tarabana fabrahu naugna ghotilo theome lasedi narane di glepo igre.

Nonomho Te Keli Teke Risoi Mae Mak 13:37

Eghume unha te chekeni iara ka ghotilo gognaro gne iara na chekeni la ka naikno te gnafare. Fiofilo fakeli ghotilo ia!”

Luku 1:19

Engel na neke cheke fapulo ka mana, “Iara Engel Gabriel. Iara kegra ke ulugna God, nu mana kuru mei ghau iara ka iagho mala toutonu ranghi nigho iagho u nonomho te keli igne.

Luku 18:1

Kaisei narane ke leghugna igne, mae Jisas ne toutonu ka nogna mae fanomhore kaisei cheke naba mala theome babaꞌo mare nu mala tarai fabrahu eghu.

Luku 20:35

Eghuteuna te mala au ka nauthoglu majaghani na, nalhaꞌu ba gaꞌase te nabadi ka karha fapulo ka glehere, mare ginauna theome tolaghi jare.

Luku 21:35

Narane igne ginauna na jateula kaisei phighoro te mala fakhale nanghaji ra eghu ke klignadi naikno te gnafa ka nauthoglu igne.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Ululahu Korin 16:13

Reireghi fakeli ghami themi, brana ka nomi fatutuani na, thosei mhaghu, nei au heta fabrahu ka gaoghathomire.

Fapea Korin 4:14

Ghehati laseni God na neke fakarha fapuloni noda Lord Jisas Kraes. Eghuteuna mana ginauna nake fakarha fapulo ghami ghehati jateula mae Jisas eghu. Eghuteuna mana ginauna hata ghami ghehati tei balumi ghotilo ka thofno namono gna mana na. Tahati ginauna kegra fodu ke ulugna mana jare.

Kolose 4:2

Sasaꞌa mala tarai fabrahu nei ghaoghatho fakeli. Kate tarai na, ghotilo cheke fakelini God fabrahu.

Ululahu Tesalonika 5:17

Tarai koba.

Fapea Timoti 4:5

Nu iagho ghaoghatho fakeli leuleghu fata na, nei kegra maku ka narane nate thoke mei tamu naꞌau papara na. Eghuteuna iagho heta ka gloku igne mala toutonu eigna u Nonomho te Keli na nei loku fahui nou gloku blahi teke tusu ranghi nigho God na.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Ululahu Pita 5:8

Tarabana koba nei doadofra fakeli eghu! Naugna nomi naoka ghotilo mae Satan, mana tei tafri jateula kaisei lion te rofo eghu nguru tafri hironi ihei mala roꞌeni mana.

Ululahu Jone 2:28

Uve thuguro, au fabrahu balugna mana. Te eni tahati igne na, tahati theome tangomana te mhaghu ka narane nate pulo mei mae Kraes. Tahati ginauna theome tangomana te poru ba mamaja kate mei mana na.

Letas Teke Rioriso Mae Jud 1:24

Uve, kaisei God ngala tangomana te reireghi ghami te mala leghuni fabrahu mae Kraes. Kaisei mana ngala tangomana hata ghami te tei ka nogna famane namono kligna na. Jare ghotilo ginauna na au gleale'a fara, naugna jare na ghotilo na theo kaisei glepo te jafra ke ulugna God.

Thakle 11:4

Phei mae profet igre phei gaju oliv nei phei juta biꞌo. Mare ginauna kegra ke ulugna mae funei gna nauthoglu igne.

Thakle 6:17

Naugna gognaro gne, la thokenihi nodi narane biꞌo phiamare te mala para ghami ghehati na! Theo kaisei naikno te tangomana te kegra fanograni glepo igne ginauna!”

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thakle 8:2

Iara ne filodi fitu engel re ne kegra neu ke ulugna God. Hatimare ne tusu lao fitu khufli ka mare.