Luku 21:3 - Buka Blahi Ka Cheke Holo

³ Mae Jisas ne cheke eghu, “Tutuani fara, te chekeni iara ka ghotilo na, naikno biꞌo te kuma igne koko sileni biꞌo fara ke tulaodi mae te dedei igrei.

Luku 21:3 Iomraidhean Croise

Luku 12:44

Uve, tutuani fara te chekeni iara ka ghotilo na. Mae funei na ginauna na vahini mana mala reireghidi nogna gobigna lepore.

Luku 21:2

Eghuteuna mana jaola ne filoni kaisei naikno biꞌo te kuma mei ne koko phei senti ka tapera na.

Luku 21:4

Naugna mae te dedei igre au nodi kmana sileni. Mare tusu ranghini God kolho unha te salaꞌui na. Naikno biꞌo igne thono kuma fara, nu naꞌa koko fahui unha te au ka naꞌa na. Eghuteuna naꞌa magnahaghei fara sileni tuana malagna nakarhagna thegna na.”

Luku 4:25

Uve, unha te chekeni iara ka ghotilo gne thofno tutuani fara. Ka narane gna mae Elija na neke theome nakhete thilo finogha namno nhigra. Aonu heva te heva na ne behu neke theo gano. Eghuteuna kmana naikno biꞌo te glehe kokoi neke au jare Israel ka narane tuare.

Luku 9:27

“Tutuani fara, te chekeni iara ka ghotilo na. Keha naikno te au teu balugu iara gognaro igre, mare ginauna theome leheu na filoni God te funei frunidi nogna naiknore.”

Mae Khuru 10:34

Mae Pita ne funu cheke eghu, “Tutuani fara kheraguro, gognaro na iara thofno laseni igne, God na theome tangomana te kafe pileni ihei na naugna naikno te gnafare kafe nanaba ngala ka God.

Mae Khuru 4:27

Tuani fara Lord, agne Jerusalem na mae Herod ghe mae Pontius Paelat neke kaisei baludi naikno te theome Jiure nei naiknodi Israel re eghu mala faleheni mae Jisas, mae nou gloku blahi iagho na. Mae ihei iagho teke vahini mala mae Mesia.

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.