Luku 21:25 - Buka Blahi Ka Cheke Holo

²⁵ Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na.

Luku 21:25 Iomraidhean Croise

Nodi Khoje Hatimare Mae Jiu 46:3

Uve, neubane malu thongna na, ba neubane mei goigovi na ne tafru thogele gre, tore, tahati theome tangomana te mhaghu na!

Profet Isaia 13:10

Ka narane igne, nathunu nei glaba teu igre ginauna theome agha bongiro na, eghuteuna neuba naprai na ne haghe hamerane, naꞌa ginauna theome agha kolho.”

Profet Isaia 17:12

Tore! Naiknodi keha kantri igre jateula galo biꞌo te mei poha ke kligna khalaꞌe ka narane saeklon ra eghu.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Profet Isaia 5:30

Ka narane igne, mae soldia re ginauna thagru fabiꞌo fara jateula naogladi galo biꞌo te mei poha ka khalaꞌe na ka narane te mei saeklon ra eghu. Eghuteuna jame ihei te mei ka nomi kantri ghotilo igne na, mana ginauna filoni puhi biꞌo kolho. Uve, ka narane igne ginauna na jateula gromno biꞌo te mei te toku tafruni naphaegna naprai na ia eghu!

Profet Isaia 51:15

Iara nomi Lord, nei nomi God ghotilo. Nanghagu iara na Lord, mae ihei te au nolaghi fateote'o. Iara neke cheke ranghidi nhorora nei galo teu igre mala oa'ongha fabiꞌo.

Profet Jeremaea 4:23

Ka mifi igne iara ne theome filoni kaisei glepo ka nauthoglu igne. Kate filo haghe iara kligna na, iara ne filoni maloa na ne kafe romno soru.

Profet Daniel 12:1

Mae tuna ne cheke eghu ka iara, “Ka narane igne, engel Maekol mae funeidi hatimare mae engel te mala reireghidi nou naikno iagho igre ginauna thakle mei. Ka narane igne puhi biꞌo ginauna thoke mei. Tifa na nafnata puhi biꞌo igne neke theome thokeni kaisei kantri ka nauthoglu igne. Kate thoke mei narane igne, God ginauna nake hata fapulo nogna naiknore, naugna nanghadire la auhi ka nogna buka na.

Profet Maeka 7:4

Neuba keha ka mae igre ne doglo katha kolho salaꞌudi keha mae re, are jaola theome doglo ka tathagna God. Mare jateula phono nei buburu fachuchuru eghu theo nafudi kolho. Nu la thokeni hi nogna narane God te mala paradi mare na. Mana neke kurudi profet jateula mae greireghi eghu mala kulu cheke faheta ka mare. Gognarona, puhi biꞌo teke chekedi mae profet ra thokedi naiknore, eghuteuna mare theome tangomana te laseni unha nate eni na.

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Nonomho Te Keli Teke Risoi Mae Mak 13:24

Mae Jisas ne cheke eghu, “Ke leghugna narane te mei puhi biꞌo igne, “ ‘Naprai na ginauna romno soru. Glaba na ginauna theome agha.

Nonomho Te Keli Teke Risoi Mae Mak 13:26

“Ke leghugna igne, mare ginauna filo ghau iara te soru mei ke kligna grokho balu nolaghi nei nafnakno te biꞌo.

Nonomho Te Keli Teke Risoi Mae Mak 15:33

Tanhi nabotho phei fari hotei naublatha, namono te gnafa kau nauthoglu igne ne kafe romno soru ne ghilei posa ka tanhi thiloi fei grafi.

Luku 21:24

Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Luku 21:26

Gobigna lepo ka maloa gne ginauna kheu tongana ba nhogri. Naugna igne, naiknore ginauna mhaghu fara ghilei fnuda. Mare ginauna faꞌihodi ka ofoni teu unha nate eni ka nauthoglu tongana igne.

Mae Khuru 2:19

Iara ginauna lilisei fagaglana: dadara, khaꞌaghi, nei u gagahu biꞌo kligna kau maloa nei agne pari kau nauthoglu gne mala filoni naiknore.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.