Luku 21:24 - Buka Blahi Ka Cheke Holo

²⁴ Kehare ginauna ghoreho ka naflahi, eghuteuna kehare ginauna hata tei mala sosolo ka keha namono delei. Naikno te theome Jiu igre ginauna mei goigoni ghami nei funei frunini namono Jerusalem ghilei thoke mei nodi narane leghu lahu na.”

Luku 21:24 Iomraidhean Croise

Jenesis 34:26

Leghu lahu na mae Simion ghe mae Livae tei ne aknu falehedi mae Hamo ghe mae Sekem. Aonu phia mare ne hata fajifla Daina ka sugagna mae Sekem na ne tei nodi.

Eksodas 17:13

Aonu mae Josua nei hatimare mae Israel gre eghu ne falehedi mae Amalek gre, mare thono theome kokhonidi fara kolho maedi Amalek.

Profet Isaia 5:5

Iara ginauna chekeni ka ghotilo unha nate eni iara ka nagare igne. Iara ginauna paꞌe soru bara igne mala mei naikno nei buluka eghu mala tapla ke kligna gna.

Profet Isaia 63:18

Ghehati nou naikno blahi iagho te au katha vido kmo'ei kolho ka nou vido blahi iagho igne. Nu mae naoka igre mei ngolhi fajifla ghami ka nomi namono re. Mare gognarona la mei goigonihi nou namono blahi iagho igne.

Profet Isaia 66:12

Iara ginauna tusu ranghi ghami pharikeli, eghuteuna ghotilo ginauna atha nomi glepo te keli fara ka keha kantri te au faligoho ghami ghotilo are. Ghotilo ginauna na jateula kaisei khoꞌu te loloro fabrahu te theome krango ka vido te ahora eghu na theome ari kmoꞌe ka kaisei glepo te keli. Eghuteuna ghotilo ginauna glealeꞌa fara jateula kaisei naikno biꞌo te namhani fara thugna na te pala haghe te fachuꞌu ra eghu.

Profet Isaia 66:19

“Mare ginauna laseni te fakakhana iara glepo igre mala filoni mare. Nu iara ginauna kurudi iheire te karha nga teu igre mala tei ka kantri te khaba igre: Spen, Libia, nei Lida aheva te au mae iheire te lase magra ka phaloho, nei jare Tubal nei Gris, aheva naiknore theome nomhini ngau nanghagu iara na, nei jaola theome filoni ngau naphaegna nogu nolaghi biꞌo iara na. Eghuteuna mare ginauna toutonuni nogu nolaghi biꞌo iara na.

Lamentations 1:15

“Funei igne tirognadi nogu mae nheta iara re. Mana kuru mei naoka mala goigonidi nogu mae majaghani iara re. Eghuteuna mana kina ngujadi nogu naikno iara re jateula mae te kina ngujadi sisi grep te mala eꞌei waen ra neu.

Profet Daniel 12:7

Aonu mae te kegra teu ke mata khoꞌu igne ne ngafa haghe phei khamegnare ka maloa na ne nhaꞌa cheke ka nanghagna God mae ihei te karha te tifa igne. Iara ne nomhini mana te cheke eghu na, “Glepo igre ginauna na theome tughu nabagna thilo finogha namno nhigra. Kate theo nodi nolaghi nogna naikno God igre te mala magra na, glepo igre ginauna na jaola ari gnafa.”

Profet Daniel 8:13

Iara ne nomhini kaisei engel ne ghusna eghu ka keha engel na, “Niha nau gnafadire gobigna lepo te fakakhana God ka mifi na igre? Niha nau gnafadire puhi te diꞌa te tughu fabrahu nodi fafara nogna naikno God igre? Niha fata tapla fabrahu ke klignadi nogna naikno God igre balugna Sugablahi igne si hona ikoi ignea?”

Profet Daniel 9:27

King igne ginauna eni kaisei nhaꞌa cheke baludi kmana naikno nabagna fitu finogha. Farihoteidi narane tuare, mana ginauna na theome snakredi naiknore mala fafara, ba tusu lao kaisei glepo ka God. King ginauna lilisei haghe kaisei glepo te thono diꞌa fara ke lamnagna nogna Sugablahi God na. Glepo tuana ginauna au ka vido tuana ghilei thokeni narane leghu lahu teke lilisei God malagna mae ihei teke eni glepo te diꞌa igne.”

Profet Malakai 1:11

Naikno te gnafa ka kantri te gnafa teu ka nauthoglu na igre ginauna atha insens nei gano eghu mei mala fafara ka olta, eigna mare ghatho tahu ghau iara.’

Luku 21:25

Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na.

Letas Teke Riso Tei Mae Pol Ka Khiloau Rom 11:25

Uve kheraguro, iara magnahaghe ghami te thofno laseni glepo biꞌo te poru igne, eigna glepo te poru igne ginauna togho ghami mala thosei fahaehaghe ghotilo. God ne fapatugamadi nagnafadi mae Jiu gre ghilei thokeni narane te mala ke pulo mei ka God hatimare mae iheire te theome Jiu teke vavahi mana gre.

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.