Luku 21:16 - Buka Blahi Ka Cheke Holo

¹⁶ Idomi, kmami, tighami, vikemi, nei kherami teu ghotilo themi are ginauna snakre lao ghami ghotilo ka khamedi nomi naokare. Mare ginauna falelehe keha mae ka ghotilo.

Luku 21:16 Iomraidhean Croise

Profet Jeremaea 12:6

Neuba thabusimu iagho igre baludi thofno tharaknamu iagho re, mare jaola figri tagru nigho iagho. Mare loku fodu baludi mae naoka mala cheke balu diꞌatadi ka iagho. Eghume, neuba mare ne cheke famane cheke eimu iagho, nu iagho thosei fatutuani di.”

Profet Jeremaea 9:4

Ghotilo naiknora filo fakelidi kherami themi are! Glahula roghe poru ghami mare te mala mei te goigonini ghami ghotilo na! Theo kaisei naikno te fatutuani ni kheragna thegna na, naugna kherada theda igre jateula mae Jekop eghu chaichaghi ghita koba.

Matiu 10:21

“Naiknore ginauna snakre lao kheradi thedire ka mae naokare mala falelehe mare. Eghuteuna mae kmadire na eghu dila thudire, thudire na eghu dila kmadi nei idodi teure ka glehe.

Nonomho Te Keli Teke Risoi Mae Mak 13:12

Eghuteuna naiknore ginauna na snakre lao kheradi thedire ka mae naokare mala falelehe mare. Eghuteuna mae kmadire na eghu dila thudire, nei thudire na eghu dila kmadi nei idodi teure kau glehe.

Luku 12:53

Mae kmagna na ginauna magra ka mae thugna nalhaꞌu na, eghuteuna mae thugna nalhaꞌu na ginauna magra ka mae kmagna na. Eghuteuna idogna na ginauna na magra ka thugna gaꞌase na, eghuteuna thugna gaꞌase na ginauna magra ka idogna na. Eghuteuna idogna mae nalhaꞌu na ginauna na magra ka nanghogna na, eghuteuna nanghogna na ginauna magra ka idogna mae nalhaꞌu na.”

Luku 21:15

Naugna iara ginauna na tusu ari ka ghotilo glalase te mala chekedi kmana glepo te theome tangomana nomi mae naoka ghotilo re te cheke fapari ghami ghotilo ne jafra ghotilo teuna.

Luku 21:17

Eghuteuna naikno te gnafa gre ginauna tirodi ghami ghotilo, naugna ghotilo ne nogu iara.

Mae Khuru 12:2

Mana ne chekedi keha mae mala faghorehoni mae Jemes tahigna mae Jone ka naflahi.

Mae Khuru 7:59

Kate fada thina ni mare na, mae Stivin ne tarai, “Lord Jisas, hata tharungagu gne!”

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Thakle 2:13

Iara lase ghami ghotilo te au ka vido aheva te funei fruninihi mae Satan. Neuba ngau, ghotilo leghu ghau iara fabrahu. Tutuani fara, iara keli tagu fara ka ghotilo, naugna ghotilo theome khoko nomi fatutuani na ka iara, neuba mare ne faleheni mae Antipas jare. Kani karha teku mana na, mana neke theome gnafa te toutonu eigu iara na.

Thakle 6:9

Mae Lam na ne hata koko falima loke gna buka na. Aonu iara ne filodi keha tharunga ke parigna olta na. Tharunga igre, tharungadi naikno teke falelehe mare tifa ra, naugna mare neke fatutuani ni fabrahu chekegna God na nei toutonuni eigna u cheke tuana.