Luku 20:36 - Buka Blahi Ka Cheke Holo

³⁶ Naugna kau nakarha tuana naiknore ginauna na jateula engel eghu theome lehe. Mare mala goro thugna God, naugna mare neke karha fapulo ka glehe.

Luku 20:36 Iomraidhean Croise

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Profet Sekaraea 3:7

“Lord mae ihei te au nolaghi fateote'o igne ne cheke eghu, ‘Jame te leghuni iagho puhigu iara te doglo gne nei faꞌuvedi iagho nogu vetula iara gre teuna, iara ginauna snakre nigho iagho mala reireghini nogu Sugablahi iara gne baludi glalaba blahi te lithuini. Eghuteuna iara ginauna togho nigho iagho mala au nou nolaghi iagho te mei kegra ke ulugu iara, jateula iheire te kegra fabrahu ke ulugu iara igre eghu.

Matiu 22:30

Naugna kau narane kegra fapulo na naiknore ginauna theome tolaghi. Mare ginauna jateula engel eghu kligna.

Nonomho Te Keli Teke Risoi Mae Mak 12:25

Kau narane karha fapulo na mae nalhaꞌu nei gaꞌase teu gre ginauna jateula engel di kligna eghu na theome tolaghi.

Letas Teke Riso Tei Mae Pol Ka Khiloau Rom 8:16

Tharunga te Blahi na kaisei baludi gaoghathodare mala cheke thakle ghita te goro thugna God na.

Ululahu Korin 15:26

Eghuteuna naoka leghu lahu te mala roꞌeni mana na, u glehe.

Ululahu Korin 15:42

Ka narane kegra fapulo na ginauna jateula tuana eghu ranghidi iheire tela lehehira. Tutuani, thini teke giugilui tahati na theome tangomana te au raugha na, nu thini te karha fapulo na au fabrahu tifa tifa.

Ululahu Korin 15:49

Tutuani, gognaro na tahati kaisei nanaba ka mae teke mei funu ka glose na, nu tahati ginauna mala kaisei balugna mae ihei teke mei funu kligna na.

Filipae 3:21

Eghuteuna mana ginauna tughu thinida tahati te diꞌa gre mala jateula thinigna thegna te au kligna na eghu. Mana tangomana te eni igne naugna mana au nolaghi te biꞌo. Eghuteuna ka nolaghi te biꞌo tuana mana ginauna funei frunidi gobigna lepo te au ka nauthoglu igne.

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Thakle 21:4

Mana ginauna ghiha koko kholo te gnafa ka tathadire. Jare ginauna theo kaisei naikno tangomana teke lehe na, ba teke diꞌanagnafa na ba teke tanhi na ba teke papara na. Naugna glepo te gnafa tifa re la theohi.”

Thakle 22:9

Nu mana ne cheke eghu ka iara, “Ghema, theo, thosei pogho soru ka iara! Pogho soruni God kolho! Naugna iara kaisei mae gloku jateula iagho eghu kolho, nei mae thabusimu hatimare mae profet ra. Iara kaisei mae gloku jateula iheire te gnafa te leghudi u cheke te au ke lamnagna buka igne.”