Luku 20:34 - Buka Blahi Ka Cheke Holo

³⁴ Mae Jisas ne cheke eghu ka mare, “Tholaghi gne maladi kolho iheire te au teu ka nauthoglu igne.

Luku 20:34 Iomraidhean Croise

Matiu 12:32

Nu ihei te cheke fadiꞌa ghau iara mae teke mei funu ka God na, God ginauna tangomana te hata fadeleidi nakhibogna mana re. Nu ihei te cheke fadiꞌani mae Tharunga te Blahi na, God ginauna theome hata fadeleidi nakhibogna mana re, kau nauthoglu gognaro gne ba nathuꞌu nauriha na.

Luku 16:8

“Aonu ke leghugna igne, nogna funei mae te chaichaghi igne ne fafnaknoi mana naugna mana ne mae hiohiro fara ne hiro dedi puhi igre. Naugna naiknogna nauthoglu igne hiohiro fara kate reireghidi nodi glokure ke uludi fara naikno te au ka naphae re.”

Luku 17:27

Filo si ghotilo ka narane gna mae Noa ia, naiknore neke ima ghedi, koꞌu ghedi nei tolaghi nodi neku kolho neke ghilei thokei thofno narane te saghe mae Noa ka vaka na. Aonu, nabritha na mei ne kafe falelehedi naiknore.

Luku 20:33

Nu igne nomi gusna ghehati na, ‘Ka narane karha fapulo na, gaꞌase igne na khetogna mae ihei ka hatimare fitu mae thabusigna igre?’ Naugna mare neke kafe tolaghi ka naꞌa.”

Efesus 5:31

Naugna igne u grioriso te blahi na cheke eghu, “Mae nalhaꞌu na ginau jifla kokodi idogna kmagnare mala au fodu ka khetogna na, eghuteuna repa ginauna kaisei ngala.”

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.