Luku 20:14 - Buka Blahi Ka Cheke Holo

¹⁴ “Kate filoni mare meigna mae thugna mana na, mare ne cheke eghu fari thedi, ‘Igne thofno thugna mae khoto nagare ia. Mei ghotilo mala falehe nodani, mala ke khotogna theda nagare igne!’

Luku 20:14 Iomraidhean Croise

Nodi Khoje Hatimare Mae Jiu 2:8

Iagho tore ghau iara mala funei frunidi naikno te gnafa, nei namono te gnafa teu ka nauthoglu igne. Iara na snakre aridi ka iagho mala reireghidi iagho.

Nodi Khoje Hatimare Mae Jiu 89:27

Mana ginau na mala jateula mae thugu teke kulu karha mei ka iara ra eghu, eghuteuna mana ginauna mala kaisei mae nafnakno ke uludi hatimare mae king te gnafa ka nauthoglu igne.

Matiu 16:7

Mae fanomhore ne cheke eghu farithedi, “Mana jame cheke eghu naugna tahati theome hata baluda keha bret.”

Matiu 21:25

Ba, nolaghi teke faꞌapublahi naikno mae Jone ia neke mei funu ka God, ba funu ka naikno kolho? Chekeni ka iara.” Aonu, mare ne funu fapoaphola fari thedi ne cheke eghu, “Jame cheke eghu tahati na, ‘God ngala teke tusu lao nolaghi ka mae Jone na,’ mana ginauna cheke eghu ka tahati, ‘Jame teuna, naugna unha ne theome leghuni ghotilo unha teke chekeni mae Jone na?’

Matiu 21:34

Kate thokeni ghanogna nagare na, mana kuru teidi nogna mae glokure mala tei mare ka mae greireghi nagare igre mala hata keha ghegna sisi.

Luku 19:47

Leuleghu narane na mae Jisas farirhiudi naiknore ke lamna Sugablahi. Nu hatimare mae pris ulu, nei mae velepuhigna vetula nogna mae Moses, nei mae mala baubatu ka naiknore eghu ne fariuriu hara keha phoge mala faleheni mana.

Luku 20:13

“Mae khoto nagare na ne cheke eghu, ‘Na unha te eni iara gognarona? Iara ginauna kuruni mae thofno thugu thegu te namhani fara iara igne. Glahula ghatho tahuni mare.’

Luku 20:15

Eghuteuna mare ne hata fajiflani mana ke kosi nagare, ne faleheni mana. “Eghume, unha glepo nate eni mae khotogna nagare na?

Luku 20:19

Hatimare mae velepuhigna vetula nogna mae Moses nei hatimare mae pris ulu teu igre laseni nogna cheke mae Jisas igne khogla chekedi kolho mare. Aonu, mare hiro phoge mala ghosei lokini mae Jisas. Nu mare mhaghuni unha nate eni naiknore.

Luku 20:5

Aonu, mare ne funu fapoaphola fari thedi ne cheke eghu, “Jame cheke eghu tahati na, ‘God ngala teke tusu lao nolaghi ka mae Jone na,’ mana ginauna na cheke eghu ka tahati, ‘Jame teuna, naugna unha me theome leghuni ghotilo unha teke chekeni mae Jone na?’

Luku 22:2

Kau narane tuana hatimare mae pris ulu, nei hatimare mae velepuhigna vetula nogna mae Moses eghu ne hiro phoge mala faleheni mae Jisas. Nu mare ne mhaghudi naiknore, glahula eni naiknore kaisei magra biꞌo.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Mae Khuru 3:15

Eghume, ghotilo neke faleheni mae ihei te mala tusu ranghi ghita u thofno karha na. Nu God neke fakarha fapuloni mana kau glehe eghuteuna ghepa ngala teke thofno filo tathami igne.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Hibru 1:2

Nu gognaro na kau narane leghu lahu igre, God ne kuruni mae Thugna mala cheke ka tahati. Eghuteuna, vahini mae Thugna mala hohoro u nauthoglu igne, nei mala khotodi mana gobigna lepo fateo te au ke lamnagna.