Luku 2:9 - Buka Blahi Ka Cheke Holo

⁹ Kaisei engel nogna Lord megei nga kegra neu ke uludi mare, nei nogna nolaghi biꞌo Lord na ne sigla faligohodi mare. Eghuteuna hatimare ne mhaghu nodi fara.

Luku 2:9 Iomraidhean Croise

Ululahu Kings 8:11

eghuteuna mare ne theome tangomana te eni nodi gloku na, naugna siasiglagna nogna nolaghi biꞌo Lord na ne fodu ka nogna Sugablahi na.

Eksodas 16:10

Aonu kate cheke teu mae Eron ka naiknore na, naiknore ne figri lao neu fei namono nagou, eghuteuna siasigla gna Lord na ne megei nga ne thakle mei ka khoveo na.

Eksodas 16:7

Hamerane nathuꞌu na ghotilo ginau na filoni nogna nolaghi nei siasigla teu Lord na, naugna Mana la nomhidihi te diꞌatami nei nguru ngau teu ghotilo ka Mana ra. Ghepa naikno kolho jateula ghotilo eghu, eghume ghotilo theome diꞌatami ka ghepa, nu ghotilo diꞌatami ka Lord.”

Profet Isaia 35:2

Namono nagou igre ginauna famane keli fara, eghuteuna reꞌe ginauna glealeꞌa na eha fabiꞌo. Naiknore ginauna cheke fahaehagheni namono igne jateula teke cheke fahaehagheni mare kantri Lebanon ia eghu, eghuteuna mare ginauna na jaola ghatho tahuni namono igne, jateula mare teke ghatho tahudi phei namono Kamel ghe Saron. Naikno te gnafare ginauna filoni nogna nolaghi biꞌo Lord na. Nogna nolaghi biꞌo God igne ginauna agha soru ka mare.

Profet Isaia 40:5

Eghuteuna ka narane tuana, nogna nolaghi biꞌo Lord na ginauna agha soru mei, eghuteuna naikno te gnafa ka nauthoglu igne ginauna filoni. Naugna thegna Lord neke nhaꞌa cheke eigna igne.”

Profet Isaia 60:1

Lord ne cheke eghu, “Ghotilo naiknomi Jerusalem! Ghotilo kegra haghe mala phae jateula naprai eghu! Naugna naphaegna nogna nolaghi biꞌo Lord na phae ke klignami ghotilo.

Profet Esikiel 3:23

Aonu iara tei ne kegra ka sare biꞌo igne. Eghuteuna iara ne filoni siasiglagna nogna nolaghi biꞌo Lord igne thono siasigla fara. Siasigla igne jateula siasigla biꞌo teke filoni iara tifa ka gerigna khoꞌu biꞌo Keba, eghuteuna iara thuru soru baludi tathagu nei foflogu teure ka glose na.

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Luku 1:28

Aonu engel na mei posa ka Meri ne cheke eghu, “Pharikeli nogna God na au balumu mala fablahi nigho!”

Luku 2:8

Ka bongi tuana, keha mae grereighi sipu au neu jare ke kosigna namono na fiofilodi neu tothoghei sipure.

Luku 24:4

Kate ghathoni eigna igne teu reꞌe na, phei mae te fahaghe phoko siasigla megei nga ne kegra neu rhedi reꞌe.

Jone 12:41

Mae Isaia neke chekedi glepo igre tifa na, naugna mana la kulu filonihi nogna nolaghi biꞌo mae Jisas na ne chekeni igne eigna mana.

Mae Khuru 12:7

Kaisei engel nogna God megei nga ne kegra neu ke lamnagna suga sosolo na, eghuteuna kaisei juta biꞌo phae lao ka vido tuana. U engel na ne taponi mae Pita ne fadofrani mana. Aonu engel na ne cheke eghu ka mana, “Ghema Pita, faghose kegra haghe sagho!” Eghuteuna phei chen teke rerini mana re ghosei ne khusu ne khoko soru ka khamegna mae Pita re.

Mae Khuru 27:23

Naugna bongi na kaisei nogna engel nogu God mae ihei te loku ranghini iara gne ne mei kegra rhegu iara

Mae Khuru 5:19

Nu ka bongi tuana na kaisei engel nogna Lord na ne tora grengathagna suga sosolo na. Engel na ne batu fajifladi mae khurure ke kosi ne cheke eghu,

Fapea Korin 3:18

Tahati te gnafa na theome nabada kaisei glepo te mala toku tafrudi thinidare jateula teke eni mae Moses tifa ia eghu kate mei te namo ka Lord na. Nu tahati mala fakakhana u siasigla gna nogna nolaghi biꞌo Lord na. Eghuteuna leuleghu fata na siasigla gna Lord mae ihei te Tharunga igne mana na loku ke lamnada mala ghilei tughu tahati jateula thegna mana eghu.

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Hibru 12:21

Tutuani fara, kate filodi glepo igre, mare ne mhaghu nodi fara. Tulao mae Moses mhaghu ne cheke eghu, “Iara mhaghu nogu ne fififri fara.”

Thakle 18:1

Ke leghudi glepo igre, iara ne filoni keha engel na ne soru mei funu kligna. Engel igne au nolaghi biꞌo, eghuteuna siasigla gna nogna nolaghi mana na ne siasigla faligohoni mana, ne tei thoke ka namono te gnafa ka nauthoglu igne.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.