Luku 2:7 - Buka Blahi Ka Cheke Holo

⁷ Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.

Luku 2:7 Iomraidhean Croise

Jenesis 42:27

Kate tei te bongi na mare ne horo grorofe ne thuru. Eghuteuna kaisei mae ka hatimare mae thabusigna igre ne tothora nogna duku na mala hata keha gano malagna nogna dongki na. Mana ne filoni nogna sileni thegna na ka foflogna nogna duku na.

Jenesis 43:21

Kate jifla ghehati agne teke pulo ka namono na, ghehati ne tei ne bongi ka kaisei vido ne ei suga ne thuru jare. Kate sopagna tothora ghehati nomi duku re ghehati neke filodi sileni teke mei foli wit ghehati agne re neke au neu ka foflodi nomi duku ghehati re. Eghume gognaro na ghehati kela hata pulo mei balumi sileni tura.

Nodi Khoje Hatimare Mae Jiu 22:6

Nu gognaro na iara theome jateula naikno eghu, nu ka gaoghathodi naiknore iara gne jateula madukhe eghu kolho. Naiknore diꞌa tadi fara ka iara, mare tirodi ghau iara.

Eksodas 4:24

Kaisei bongi, kate theome posa teu Ijep na, mare au ka kaisei vido mala thuru. Ka vido igne, Lord mei ne magnahaghei faleheni Moses.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Matiu 1:25

Nu mae Josep theome au fodu neu ka Meri ne ghilei karha mae thugna nalhaꞌu na. Mae Josep ne kiloni nanghagna mae thugna na, mae Jisas.

Matiu 13:55

Tahati laseni mae igne. Mana kaisei mae kolho, mana neke theome mei funu ka God. Mana thugna ngala mae kapenta. Idogna na Meri. Mae thabusigna mana re igre, mae Jemes, mae Josep, mae Simon ghe mae Judas.

Matiu 8:20

Mae Jisas ne cheke eghu ka mana, “Gauhare au nodi vido te mala thuru na eghuteuna nanghajire au nodi gnoku. Nu iara mae teke mei funu ka God na, theo kaisei namono te mala augu na.”

Luku 10:34

Mae gna Samaria igne tei ne tofa oel nei meresin neu ka nafnera gna mana re ne pipiha tafru. Aonu fasagheni ka nogna dongki na, eghuteuna hatani ne tei ka binaboli na. Jare ka binaboli igne mae gna Samaria gne ne reireghi fakelini mana.

Luku 2:6

Kate au teu Josep ghe Meri Betlehem na, narane te mala karhagna sua na la namohi.

Luku 2:8

Ka bongi tuana, keha mae grereighi sipu au neu jare ke kosigna namono na fiofilodi neu tothoghei sipure.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.