Luku 2:40 - Buka Blahi Ka Cheke Holo

⁴⁰ Mae sua ikoi na ne funu biꞌo haghe ne lalase fara. Eghuteuna God ne fablahini mana fabrahu.

Luku 2:40 Iomraidhean Croise

Nodi Khoje Hatimare Mae Jiu 22:9

God, funu ka narane teke karha meigu na te ghilei mei posa ka narane gognaro gne iara neke fatutuani nigho. Kate karha mei ka idogu na, iagho neke reireghi fakeli ghau iara. Eghuteuna kani sua ikoi teku iara na, iagho neke fakarhi ghau iara.

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Luku 1:80

Aonu mae Jone ne biꞌo haghe ne rheta u gaoghathogna na. Mana ne tei ne au ka namono nagou na ne ghilei thokeni u narane te fufunu mana nogna gloku na ranghidi naiknodi Israel re.

Luku 2:47

Mae te kafe fanomho ka mana re ne jaglo nodi fara ka nogna glalase nei ka nogna cheke tughu eghu te edi mana re.

Luku 2:52

Mae Jisas biꞌo haghe ne heta eghuteuna mana biꞌo ne biꞌo nogna glalase na. God ne keli tagna fara ka mana nei naiknore jaola ne keli tadi ka puhigna mana na.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Mae Khuru 4:33

Balu nolaghi te biꞌo mae khurure ne toutonuni ka naiknore karha fapulogna mae Jisas Kraes. Eghuteuna God ne kafe fablahidi fara mare ne hui.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Fapea Timoti 2:1

Ghema thuguo Timoti, iara magnahaghe nigho te au famaku ka nogna khokofakasai God teke tusu ranghi ghita, naugna tahati nogna mae Jisas Kraes.

Jajis 13:24

Kate karha thugna na, naꞌa ne kiloni Samson. Kate biꞌo haghe mae sitei igne Lord ne fablahini mana.

Ululahu Samuel 2:18

Nu ka narane tuana, mae sua Samuel ne au faleghu neu Saelo mala loku ranghini Lord. Mana fahaghe kaisei phoko blahi te kiloi “efod”.

Ululahu Samuel 2:21

Aonu Lord ne fablahini Hana, eghuteuna Hana ne karha thilo thugna nalhaꞌu nei phei gaꞌase. Nu mae Samuel ne biꞌo haghe ka nogna Sugablahi Lord na.

Ululahu Samuel 2:26

Nu mae Samuel ne biꞌo haghe, eghuteuna Lord ne keli tagna ka mana, eghuteuna naiknore jaola ne keli tadi ka mana.

Ululahu Samuel 3:19

Kate mae biꞌohi mae Samuel na, Lord ne au balugna mana fabrahu. Eghuteuna mana ne edi fabrahu gobigna lepo teke chekedi mae Samuel nate thoke mei tutuani.