Luku 2:4 - Buka Blahi Ka Cheke Holo

⁴ Mae Josep ghe khetogna ne jifla Nasaret kaisei namono ka Provins Galili ne tei Betlehem ka Provins Judia. Namono igne namonogna mae King Devet tifa. Mae Josep ne tei jare naugna mana kaisei mae ka vikegna mae King Devet.

Luku 2:4 Iomraidhean Croise

Jenesis 35:19

Agne ne lehe Resel. Aonu mare giugiluini naꞌa ka geri nabrou te tei posa Efrata, gognaro mare kiloni namono igne Betlehem.

Jenesis 48:7

Iara eni cheke igne naugna iara ne kokhoni noguni fara idomu iagho Resel ia. Naꞌa neke lehe ka narane teke jifla iara Mesopotemia teke pulo Kenan ia. Naꞌa neke lehe ka narane teke mei namo hi ghehati ka namono Efrata, aonu iara neke giugiluni naꞌa rhegna nabrou na jare.” Efrata gne gognaro na Betlehem.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Matiu 1:20

Kate ghathoni teu mana igne, mana ne mifi. Aonu kaisei engel nogna Lord ne thakle ka mana, ne cheke eghu, “Ghema Josep, iagho mae vikegna mae Devet, thosei mhaghu te hata khetomu Meri ana naugna u sua na neke au mei kau nogna nolaghi mae Tharunga te Blahi.

Luku 2:3

Aonu naikno te gnafare ne tei ka nodi namono thedire mala rioriso nangha.

Luku 2:5

Mae Josep ne tei rioriso nangha repa Meri naugna naꞌa paru mala tolaghi ka mana. Meri gognaro na la buklahi.

Luku 4:16

Ke leghugna igne mae Jisas neke tei Nasaret, ka namono aheva mana teke biꞌo haghe na. Leuleghu narane Sabat na, mana tei koba ka suga tharai na. Kaisei narane Sabat, mana kegra haghe ne iu'iju u grioriso te blahi na ranghidi naiknore.

Jone 1:46

Nu mae Natanel ne cheke eghu ka mae Filip, “Nasaret! Theome tangomana kaisei glepo te keli te jifla mei Nasaret na!” Mae Filip ne cheke eghu ka mana, “Mei sagho, mala filoni themu!”

Jone 7:42

Unha te chekeni kau grioriso te blahi na mae Kraes na mala karha mei ka vikegna mae King Devet. Eghuteuna mana na karha ka namono Betlehem, namono aheva teke karha mae Devet.”

Thoutonu Eigna Rut 1:19

Aonu Naomi ghe Rut ne jifla jare Moab ne tei Betlehem. Kate filodi repa te posa ka namono na, goro gaꞌasere ne eha eghu fabiꞌo, “Ihei signea? Naomi na kela pulo mei ka tahati!”

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Thoutonu Eigna Rut 4:11

Aonu hatimare mae funei nei keha mae biꞌo langau eghu au teku jare na ne kafe cheke eghu, “Uve, keli fara, ghehati gne mala cheke balumu iagho. God fablahini Rut ihei nate mei au ka sugamu iagho na mala jateula teke edi Resel ghe Lea tifara eghu, eigna repa neke au kmana thudi ka Jekop, tahati gne neke vikegna mana. Iagho mala kaisei mae funei te fnakno ka namonoda Betlehem ka nohi Efrata.

Thoutonu Eigna Rut 4:17

Goro gaꞌasegna namono na ne kiloni nanghagna sua na, Obed. Eghuteuna rehati ne cheke eghu fabrahu ka Naomi, “Gognaro na Naomi la au kaisei thugna nalhaꞌu!” Mae Obed gne neke kmagna mae Jesi, eghuteuna mae Jesi gne neke kmagna mae King Devet.

Ululahu Samuel 16:1

Aonu Lord ne cheke eghu ka mae Samuel, “Iagho diꞌanagnafani fabrahu mae Sol, nu iara theome magnahagheni mana te king gna Israel gognarona. Iagho hata oliv oel mala tei hironi mae Jesi ka namono Betlehem. Iara vavahi kaisei mae ka thugna mana ra, eghuteuna iagho tofa oel ka pha'ugna mana na mala king gna Israel.”

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.

Ululahu Samuel 17:58

Mae king Sol ne ghusna eghu ka mana, “Mae majaghani, mae ihei mae kmamu iagho na?” Mae Devet ne cheke eghu ka mana, “Kmagu iara na mae Jesi, maegna ka namono Betlehem, mae kmagu iara igne mana ghatho tahu nigho iagho fara.”

Ululahu Samuel 20:6

Jame te ghusna nigho mae kmamu ne faꞌunha ne theome aunga iara teuna, iagho cheke ka mana teke tore nigho iara mala tei Betlehem ka namonogu na teku ia, naugna ghehati tharakna fafara leuleghu finogha gognarogna.