Luku 2:34 - Buka Blahi Ka Cheke Holo

³⁴ Eghuteuna mae Simion ne fablahidi retilo ne cheke eghu ka Meri, “U sua igne God neke vahini mala fakarhidi kmana naiknodi Israel te au ka nakhibo, nei mana na theome fakarhidi kmana naiknodi Israel iheire te fahaehaghedi thedi. Naugna mana ginauna na kaisei fagaglana te mei vuhagna ka God. Kmana naikno tirodini mana.

Luku 2:34 Iomraidhean Croise

Jenesis 14:19

Aonu mae Melkisedek ne toreni God mala fablahini mae Ebram. Mana ne cheke eghu, “God, mae ihei te fnakno fara teke vuavuhadi maloa ghe nauthoglu gre, fablahi nigho.

Jenesis 47:7

Aonu mae Josep ne hata ne tei mae kmagna na mala tei thafoni mae king. Eghuteuna mae Jekop ne pogho soru ke ulugna mae king ne toreni God mala fablahini mana.

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Profet Isaia 8:18

Tore! Ghotilo fanomho fakeli! Lord mae ihei te au nolaghi fateote'o igne mana au ka Thogele Saion, eghuteuna mana noda king tahati. Iara au agne baludi goro sua teke tusu mei Lord ka iara igre, eghuteuna mana vahi ghami ghehati mala jateula kaisei fagaglana eghu mala tangomana ghotilo naiknomi Israel ra te filoni na.

Profet Hosia 14:9

Ihei te lalase na, naikno tuana ginauna lase fakelidi cheke te edi iara ka buka na igre, nei tathaji fakeli ka nagnafagna na. Eigna puhigna Lord na thofno doglo fara. Eghuteuna ihei te doglo na mala leghuni puhigna mana na. Nu ihei te diꞌa na theome tangomana te leghuni puhigna God na, naugna naikno igne theome ghatho tahuni puhi te doglo na.

Matiu 11:19

Eghuteuna kate thoke mei iara te ghamu nei koꞌu teuna, naiknore cheke eghu, ‘Filoni si ghotilo ka mae igne! Ghamu nei koꞌu teuna ngala te glepo ulu fara ka mana na! Eghuteuna, mae te diꞌa te salo takis nei mae te diꞌa teu igre ngala kheragna mana re.’ Eghuteuna mare ginauna filoni nogna gaoghatho te keli God na kate thakle meidi unha te tutuani re.”

Matiu 12:46

Kate facheke teu mae Jisas ka naiknore, idogna nei thabusigna teu mana re ne posa mei kegra neu kosi. Mare magnahaghei te mei cheke ka mana.

Matiu 21:44

Mae ihei te uka ke kligna thina igne, thina igne ginauna fadidiꞌani mana. Nu te soru thina igne ke kligna gna mana na, mana ginauna nghuja vuhai nakrofu kolho.”

Matiu 27:63

Mare ne cheke eghu ka mana, “Mae biꞌo, ghehati kela ghathoni teke cheke eghu mae te chaichaghi ia kani karha tekeu mana ia, ‘Iara ginauna nake karha fapulo ka fatilo narane na.’

Luku 2:35

Naugna mana, ginauna na falalase gaoghatho teke poru ka naikno te gnafare. Eghuteuna iagho themu ginauna na diꞌanagnafamu fara ka unha nate edi ginau re.”

Jone 3:20

Iheire te edi glepo te diꞌare theome magnahagheni u naphae tuana. Mare na theome mei kate phae na naugna ginauna kafe thakle gnafa unha glepo te diꞌa teke edi mare re.

Jone 5:18

Kate nomhidi mae biꞌodi mae Jiu gre cheke te edi mae Jisas igre, mare fariuriu fara te mala faleheni mae Jisas. Theome naugna te huhughuni mana vetula eigna narane Sabat na kolho, nu mana ne kiloni thegna mae Thugna God. Gaoghathogna igne mana magnahaghei te kaisei ngala balugna God.

Mae Khuru 13:45

Kate filoni mae biꞌodi mae Jiure te mei kmana naikno na, mare ne thono goghotu fara ka mae Pol ghe mae Banabas. Eghuteuna mare ne cheke fadiꞌadi gobigna lepo te chekedi mae Pol re nei jaola ne cheke faparini mana.

Mae Khuru 17:6

Nu kate dofidi phiamare na, mare neke lokini kolho mae Jason nei keha naikno khiloau ne korhodi ne tei ke uludi goro mae biꞌogna namono na. Naiknore ne eha fabiꞌo ne cheke eghu, “Phei mae igre eꞌei puhi heva heva ka nauthoglu gne. Eghuteuna gognaro na phiamare la mei thoke ka noda namono tahati gne.

Mae Khuru 24:5

“Eghume te filo glanini ghehati na mae igne kaisei mae mala eꞌei puhi ke lamnadi mae Jiu gre heva heva ka nauthoglu igne. Mana kaisei mae mala baubatu ka tothoghei gna Nasaret.

Mae Khuru 28:22

Nu ghehati magnahaghei nomhidi nou gaoghatho iagho re. Naugna ghehati laseni naiknodi namono te gnafa igre cheke faparini koba tothoghei te au iagho tagna igne.”

Mae Khuru 4:26

Mae king gna nauthoglu gne mare tarabana mala magra. Hatimare mae te funei frunidi naiknore mare salo fodu mala magrini Lord God nei nogna Kraes.’

Mae Khuru 6:7

Chekegna God na tei thoke heva heva ka naiknore. Tothoghei naikno khiloau te au Jerusalem ka narane tuare gognaro biꞌo la biꞌo, eghuteuna jaola kmana nodi tothoghei pris mae Jiu gre la funu fatutuani nei leghuni mae Jisas.

Letas Teke Riso Tei Mae Pol Ka Khiloau Rom 9:32

Naugna unha ne theome thokeni nga mare? Mare theome thokeni igne naugna mare ne fariuriu doglo ka tathagna God na ka unha te edi thedire, nu theome lelheghu ka fatutuani neu. Mare uka ka thina te faꞌukadi naiknore igne,

Ululahu Korin 1:23

Nu tahati toutonu eigna Kraes kolho, mae ihei teke lehe ke kligna gaju fafatha. Hatimare mae Jiu theome magnahaghei nomhini u thoutonu igne, eghuteuna ka hatimare mae te theome Jiure u thoutonu igne theo nafugna kolho.

Hibru 7:1

Gognaro gne iara na toutonu ranghi ghami ghotilo eigna mae Melkisedek. Mae Melkisedek gne kaisei mae king ka namono te kiloi Salem, nei mana kaisei nogna mae pris biꞌo God te au kligna. Mae Melkisedek neke ludeni mae Ebraham ke leghugna teke pulo mei mae Ebraham funugna ka vido teke tei magra mana teke falehedi fati mae king baludi nodi mae armi hatimare fati mae king igre. Jare mae Melkisedek thafoni mae Ebraham ne fablahini mana.

Hibru 7:7

Eghume te laseni tahati na mae Melkisedek gne mae ke ulugna mae Ebraham, naugna mana ne fablahini mae Ebraham. Naugna tahati thofno laseni mae ke biꞌo na fablahini koba mae ke iko na.

Ululahu Pita 4:14

Kate cheke fadiꞌa ghami naiknore naugna te leghuni ghotilo mae Kraes na, ghotilo keli tami kolho. Naugna mae Tharunga te Blahi na auhi balumi ghotilo. Mana neke mei funu ka God nei mana au nolaghi biꞌo.

Ululahu Samuel 2:20

Eghuteuna leuleghu fata kate tei repa na, mae Eli fablahidi koba mae Elkana ghe Hana, ne cheke eghu, “Iara toreni Lord mala ke tusu ari keha sua ka ghopa tughugna mae sua teke tusu fapulo ghopa ka mana igne.” Gnafa teuna repa neke figri ka nodi namono na.