Luku 2:27 - Buka Blahi Ka Cheke Holo

²⁷ Eghuteuna u Tharunga te Blahi na batuni mae Simion ne tei ka Sugablahi na. Aonu, Meri ghe Josep hata mae sua Jisas na ne tei ka Sugablahi na mala eni unha te chekeni ka nogna vetula God na.

Luku 2:27 Iomraidhean Croise

Profet Jeremaea 32:11

Aonu iara ne rioriso phei pepa nhaꞌa cheke teke foligna glose igne, eghuteuna phei pepa igre au cheke eidi glepo teke nhaꞌa chekedi ghepare. Keha loki famaku eghuteuna keha na thorau kolho theome loki.

Matiu 4:1

Tharunga te Blahi na batuni mae Jisas ne tei ka namono nagou na mala mei mae Satan mala fariuriuni mala jafra mana.

Luku 2:22

Kate thokei narane te mala leghuni nogna vetula mae Moses eigna te mala gae ke leghugna teke karha sua na, Meri ghe mae Josep ne tei Jerusalem mala eni igne. Aonu repa hata sua na ne tusu ranghini Lord.

Luku 2:28

Mae Simion ludedi, mana pala haghe sua na ne cheke fakelini God,

Luku 2:41

Leuleghu finogha na idogna kmagna mae Jisas re tei koba Jerusalem ka Gaghamu Ghasa-Polho.

Luku 2:48

Ka vido tuana, idogna kmagna mana re jaola ne jaglo nodi fara kate filoni mana na. Aonu, idogna na ne cheke eghu ka mana, “Thuguo, naugna unha site eni iagho ka ghepa ignea? Ghepa kmamu ne nanga nomi fara ne hiro nigho iagho.”

Luku 2:51

Mae Jisas neke pulo baludi repa Nasaret. Mana ne leghudi unha te chekedi repa re. Eghuteuna idogna mana na ne ghaoghatho eidi unha teke edi re ne tathaji u cheke igre ka nagnafagna na.

Luku 4:1

Ke leghugna narane teke apublahi ka mae Jone ka Kho'u Jordan na, mae Jisas ne fodu ka Tharunga te Blahi neke pulo. Mae Tharunga te Blahi na ne baubatuni mana ne tei kau namono nagou na.

Mae Khuru 10:19

Kate hironi nga teu ngala mae Pita u gaoghathogna u mifi tuana na, u Tharunga te Blahi na ne cheke eghu ka mana, “Ghema Pita, thilo mae are mei hiro iagho.

Mae Khuru 11:12

Eghuteuna Tharunga te Blahi na neke cheke ranghi ghau iara mala thosei mhaghu iara te tei baludi na. Eghume namno naikno khiloau Jopa igre neke teila balugu iara. Ghehati neke tei thoke ka sugagna mae Konilias na Sisaria.

Mae Khuru 16:7

Kate tei thoke mare ka Provins Misia, mare neke fariuriu mala ke tei ka Provins Bitinia. Nu Tharunga gna mae Jisas na ne theome snakredi mare te tei jare na.

Mae Khuru 8:29

U Tharunga te Blahi na ne cheke eghu ka mae Filip, “Tei sagho ka chariot ana mala kegra rhegnai.”

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.

Thakle 17:3

Aonu nogna nolaghi Tharunga te Blahi na ne mei ka iara eghuteuna engel na ne baubatu ghau iara ne tei ka kaisei namono nagou. Ka vido tuana iara ne filoni kaisei gaꞌase gnokro neu ke kligna gna kaisei bosu te ukru fara thinigna na. Bosu igne iko tongana nangha lausasaba ka thinigna na. Nangha igre thofno cheke faparini God. Eghuteuna aula fitu pha'u nei nabotho honagna.