Luku 2:25 - Buka Blahi Ka Cheke Holo

²⁵ Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Luku 2:25 Iomraidhean Croise

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Thoutonu Eigna Mae Job 1:1

Kaisei mae nanghagna na Job, mana au ka kantri te kiloi Us. Mana kaisei mae te keli nei doglo eghu. Mana ghatho tahuni God nei theome magnahaghei te eni kaisei glepo te diꞌa.

Thoutonu Eigna Mae Job 1:8

Lord ne cheke eghu ka Satan, “Ba, iagho filo glani puhigna nogu mae gloku iara Job igne? Theo kaisei mae ka nauthoglu igne te jateula mana teuna. Mana kaisei mae keli nei doglo eghu. Eghuteuna mana ghatho tahu ghau iara nei theome magnahaghei te eni kaisei glepo te diꞌa.”

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Profet Isaia 40:1

Igne nogna cheke noda God tahati na, “Farerheta nagnafadi nogu naikno iara ra. Uve, mala rheta fakeli nagnafadi re.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Naba 11:25

Aonu Lord ne soru mei ka kaisei gromno ne cheke balugna Moses. Lord ne atha keha nolaghi gna nogna Tharunga te Blahi teke tufa ka mae Moses re, ne tufa lao ka fitusalei mae lida re. Kate mei Tharunga te Blahi na te au ka mare na, mare ne cheke jateula mae profet neu, nu kaisei fata kolho eghu.

Naba 11:29

Aonu mae Moses ne cheke eghu, “Unha site nanga nou iagho ka iara te mala kmu mare teu gnea? Iara magnahagheini Lord te tufa lao nogna nolaghi gna Tharunga te Blahi na ka mare, mala cheke jateula mae profet eghu mare!”

Nonomho Te Keli Teke Risoi Mae Mak 15:43

Kaisei mae nanghagna na mae Josep mae gna Arimatea mana frane ne tei ka mae Paelat ne toreni thinigna mae Jisas na. Mana kaisei mae biꞌo ka tothoghei mala fate na. Eghuteuna mana kaisei mae te ofoni fabrahu teu narane te mala funei frunidi God nogna naiknore.

Luku 1:41

Kate nomhini Elisabet chekegna Meri na, sua te au ka thi'agna na ne kaplo. Eghuteuna ka vido tuana mae Tharunga te Blahi na ne soru mei ka Elisabet.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Luku 1:67

Mae Tharunga te Blahi na ne soru mei ka mae Sekaraea, kmagna mae Jone na. Eghuteuna mae Sekaraea ne toutonu u chekegna God ka naiknore eidi u glepo nate thoke mei ginau re. Mana ne cheke eghu,

Luku 2:38

Uve, kau narane te cheke teu ngala mae Simion tuana, naꞌa kegra neu jare ne funu cheke fakelini God. Naꞌa jaola toutonu eigna mae Jisas ka iheire te kafe ofoni teu God te mala mei fakarhidi naiknodi Israel.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Mae Khuru 10:22

Thilomare ne cheke eghu ka mana, “Uve, mae Konilias mae biꞌodi mae armi re ne kuru mei ghami ghetilo. Mana kaisei mae keli fara nei tarai koba ka God. Eghuteuna mae Jiure ghatho tahuni fara mana. U engel nogna God na neke cheke ka mana mala tore nigho mala tei ka sugagna mana na mala nu tangomana mana te nomhidi unha te chekedi iagho are eghu.”

Mae Khuru 2:5

Uve, ka narane tuana kmana mae Jiu te posa mei Jerusalem mala tarai funudi ka namono te kmana heva heva ke lamnagna u nauthoglu gne.

Mae Khuru 24:16

Eghume iara fariuriu koba te mala eni unha te fatutuani ni iara te doglo ke ulugna God ba ke ulugna naikno.

Diutronomi 18:15

Mana ginauna kuruni kaisei mae profet jateula iara eghu mala mei ka ghotilo. Mae profet igne kaisei mae kherami ghotilo, eghuteuna ghotilo ginauna mala leghuni mana.

Fapea Pita 1:21

Naugna nodi cheke hatimare mae profet ra, theo kaisei fata mare thedi te toutonudi glepo igre. Nu mae Tharunga te Blahi neke thofno saghe leghudi mare mala toutonuni cheke teke mei funu ka God.