Luku 2:15 - Buka Blahi Ka Cheke Holo

¹⁵ Ka teke pulo engel re kligna na, mae grereighi sipure ne cheke eghu fari thedi, “Tahati na tei Betlehem, mala filodi glepo igre. Tahati na filoni glepo te cheke ranghi ghita Lord igne.”

Luku 2:15 Iomraidhean Croise

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Nodi Khoje Hatimare Mae Jiu 111:2

Gobigna lepo te edi Lord re thofno keli fara, eghuteuna naiknore thono keli tadi fara ka nogna gloku Lord re. Mare magnahaghedi fara te lase fakelidi glepo igre.

Eksodas 3:3

Aonu mae Moses ne cheke eghu, “Unha nafnata glepo signea? Khaꞌaghi na deudeplu, nu theome gnhubra kolho khaklagna gaju igne eghu. Iara na tei namo rhegnai mala filo fakelini.”

Matiu 12:42

Kau narane tuana God ginauna fatedi naikno te gnafare, nakrupe biꞌo gna Siba na kegra haghe mala cheke thakle ghami ghotilo naikno gognaro gre te thono jafra tutuani ghotilo na. Naugna naꞌa neke mei funugna ka namono te khaba fara mala fanomho ka nogna farirhiu te keli mae King Solomon. Eghuteuna te chekeni iara ka ghotilo na, kaisei mae te biꞌo uluni mae King Solomon na auhi agne mala toutonuni chekegna God na!”

Luku 2:14

“Kilo fnaknoni God ka maloa kligna nei pharikeli na au agne ka nauthoglu gne baludi naikno te keli tagnadi God gre.”

Luku 2:16

Aonu mae grereighi sipure ghosei ne tei ludedi Meri ghe Josep, eghuteuna mare filoni sua gegeꞌe te thuru teu ka sape mala ghamu buluka na.

Luku 24:51

Kate fablahidi mare na, mana jifla kokodi mare, eghuteuna God ne hatani mana ne haghe kligna.

Ululahu Pita 3:22

Mae Jisas Kraes gognaro na gnokrohi kligna fei khame nhetagna God Mama ka sape nafnakno. Mana funei frunidi hatimare mae engel nei nolaghi fateo te au kligna.