Luku 19:7 - Buka Blahi Ka Cheke Holo

⁷ Naiknore ne kafe filoni igne ne funu buiburini mae Jisas ne cheke eghu, “Filo si ghotilo! Tahati laseni mae Sakias gne kaisei mae gnognoro fara, eghuteuna mae Jisas gne la mei ka sugagna mana na!”

Luku 19:7 Iomraidhean Croise

Matiu 20:11

Kate hata nodi silenire, mare ne diꞌa tadi ka mae khoto nagare na. Mare ne funu buiburi ne cheke eghu, ‘Mae teke tei loku leghu lahu igre mare neke loku kaisei vido narane kolho. Nu iagho folidi mare na ne nanaba ka ghehati. Eghuteuna ghehati neke loku narane tongana na ke lamnagna naprai te brana fara na.’

Matiu 20:4

Aonu, mana ne cheke eghu ka mare, ‘Ghotilo eghu tei la mala loku ka nogu nagare iara ia. Iara na foli ghami ghotilo nihai nate gijami ghotilo na.’

Matiu 9:11

Kate filoni igne, keha mae ka hatimare mae Farasi gre ne cheke eghu ka nogna mae fanomho mana re, “Naugna unha si mana te ghamu baludi mae te diꞌa te mala salo takis nei keha naikno te diꞌa teu igrea?”

Luku 15:2

Hatimare mae Farasi nei mae velepuhigna vetula nogna mae Moses eghu filoni igne ne buiburi ne cheke eghu, “Mae igne fofodu baludi mae te diꞌa igre, eghuteuna tangomana te ghamu baludi mare!”

Luku 19:6

Kate nomhini igne, mae Sakias ghosei ne rurhu ne soru pari. Mana keli tagna fara te au mae Jisas ka sugagna na.

Luku 19:8

Nu mae Sakias ne cheke eghu ka mae Jisas, “Lord, funu gognarogne iara ginauna na tufa keha philegna nogu glepore ka naikno te kumare. Eghuteuna ihei teke chaghini iara na, iara nake tusu fapulo ka mana fati fata uluni unha teke hata iara ka mana na.”

Luku 5:30

Nu keha mae Farasi nei keha mae kheradi mae velepuhigna vetula nogna mae Moses eghu ne thono buiburi fara ne cheke eghu ka nogna mae fanomho mae Jisas re, “Naugna unha site ghamu fodu ghotilo ka naikno te diꞌa mala salo takis nei keha naikno te diꞌa teu gnea?”

Luku 7:34

Eghuteuna kate thoke mei iara te ima nei koꞌu teuna, naiknore ne cheke eghu, ‘Filoni si ghotilo mae igne! Mana ima nei koꞌu teuna ngala te glepo ulu ka mana na! Eghuteuna, mae te diꞌa te salo takis nei keha mae te diꞌa la teu igre ngala te mae kheragna mana re.’

Luku 7:39

Kate filoni igne, mae Simon ne au gaoghathogna ne cheke eghu, “Jame thofno mae profet mae igne na, mana jame laseni puhigna thau te haboni mana igne. Naugna naꞌa kaisei naikno gnognoro fara!”