Luku 19:5 - Buka Blahi Ka Cheke Holo

⁵ Kate mei thoke mae Jisas ka vido tuana, mana filo haghe ne filoni mae Sakias na, ne cheke eghu ka mana, “Sakias, faghose soru mei! Iara gognarogne na ari balumu ka sugamu iagho na.”

Luku 19:5 Iomraidhean Croise

Eklesiasti 9:10

Tahati mala thofno loku fakeli fara ka gobigna lepo te edi tahati re. Kate tei tahati ka namonodi naikno te lehehi ra, tahati ginauna theome loku, ba ghaoghatho, ba lalase, ba au gaoghatho te keli.

Profet Esikiel 16:6

“ ‘Aonu iara Lord neke tei salaꞌu ka vido igne, eghuteuna iara filo nigho iagho te fariuriu fara te mala tugha falamna ka dadara teke jifla mei balumu kani teke karha meimu na. Dadara igne neke toku tafru nigho iagho, nu iara neke theome snakre nigho iagho te lehe na.

Luku 19:10

Iara mae teke mei funu ka God na mei mala hirodi naikno teke snivi ra mala ke fakarhidi.”

Luku 19:2

Jare Jeriko kaisei mae nanghagna na mae Sakias. Mana kaisei mae dedei fara nei kaisei mae mala salo takis.

Luku 19:4

Aonu, mana chari ulu ka naiknore ne tei apla ka gaju te kiloi sikamo mala filoni mae Jisas te liu jare na.

Luku 19:6

Kate nomhini igne, mae Sakias ghosei ne rurhu ne soru pari. Mana keli tagna fara te au mae Jisas ka sugagna na.

Jone 1:48

Mae Natanel nomhini cheke mae Jisas igne ne jaglo nogna fara ne cheke eghu ka mana, “Faꞌunha neke lase ghau iara sagho ia?” Mae Jisas ne cheke eghu ka mana, “Iara neke kulu filo nigho iagho ka teke gnokro teku iagho ke parigna gaju fig ia. Ka vido tuana mae Filip neke theome kilo mei nigho iagho nekeu ka iara.”

Jone 14:23

Mae Jisas ne cheke eghu ka mana, “Tutuani fara, mae ihei te namha ghau iara na, mana ginauna leghudi nogu farirhiu iara re. Mae Mama ginauna jaola namhani mana, eghuteuna ghepa mae Mama ginauna mei ka mana mala au fabrahu balugna mana.

Fapea Korin 6:1

Ghehati kafe orio loku balugna God, eghume ghehati thofno tore ghami ghotilo mala ghatho tahuni u khokofakasai teke hata ghotilo ka God igne. Thosei lisa lao khokofakasai igne mala theo nafugna.

Efesus 3:17

Uve, iara toreni Kraes mala au mana ka nagnafamire, eigna ghotilo fatutuani ni mana. Iara jaola toreni mana eigna gobigna lepo te edi ghotilo re thofno jifla mei ka nomi namha te biꞌo ranghini God nei naikno te gnafa, mala ghotilo nei nogna naikno te gnafa God re au glalase te mala lase fakelini nogna namha Kraes te biꞌo fara nei brahu fara nei haghe fara nei mamhara fara.

Hibru 13:2

Thosei ghatho ihoni mala toghodi naikno te posa mei ka sugamire. Keha naiknore tifa na neke theome filo glanidi kolho, nu mare neke toghodi engel ka sugadire.

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.