Luku 19:24 - Buka Blahi Ka Cheke Holo

²⁴ “Aonu mae funei na ne cheke eghu ka mae te kegra teu jare re, ‘Ghotilo hata ka mana duku sileni ana mala ke tusu lao ka mae gloku te au nabotho duku sileni ana.’

Luku 19:24 Iomraidhean Croise

Luku 12:20

“Nu God ne cheke eghu ka mae tuana, ‘Iagho mae meomekro! Bongi na iagho na lehe. Keha mae ngau nate hata gobigna lepo teke tarabana iagho malamu themu teku igre!’

Luku 16:2

Mae dedei igne ne kilo meini mana ne cheke eghu ka mana, ‘Iara ne nomhi thoutonu diꞌa eimu iagho na. Falalase ka iara unha te edi iagho ka nogu sileni iara re. Iagho ginauna theome tangomana teke mala reireghidi nogu mae gloku iara re.’

Luku 19:13

Ame tei nga teuna, mana ne kilo meidi nabotho nogna mae glokure. Aonu mana ne tufa nabotho duku sileni kaisei mae neu ka mare. Mana ne cheke eghu ka mare, ‘Loku ka sileni igre ghotilo ia ghilei ke pulo mei iara.’ Aonu mana jifla ne tei.

Luku 19:23

Jame te tutuani unha te chekeni iagho na, naugna unha sagho te theome lilisei nogu sileni iara gre ka banki gnea? Aonu kate ke figri mei iara na, nogu sileni iara gre jame neke bruara.’

Luku 19:25

“Nu hatimare ne cheke eghu ka mana, ‘Mae funei, mana la auhi nabotho duku!’