Luku 19:21 - Buka Blahi Ka Cheke Holo

²¹ Iara mhaghu nogu nigho iagho, naugna iagho kaisei mae ninhigrana fara puhimu na. Iagho jateula mae te hata fajifla sileni teke lilisei keha mae ka banki nei hata gano ka nagare teke joꞌu keha maei teura eghu.’

Luku 19:21 Iomraidhean Croise

Luku 19:20

“Leghu lahu na fatilo mae na mei ne cheke eghu, ‘Mae funei, ao teu nou duku sileni teke famei iagho ia! Iara neke pipiha ka pohe neke pophoru.

Luku 19:22

“Mae funei na ne cheke eghu ka mana, ‘Iagho mae gloku diꞌa fara! Iara na hata nou cheke themu iagho tuana mala fate nigho iagho! Naugna te chekeni iagho na, iagho lase ghauhi iara kaisei mae te ninhigrana puhigu na, hata fajifla sileni teke lilisei keha mae ka banki nei hata gano ka nagare teke joꞌu keha maei teu gne.

Letas Teke Riso Tei Mae Pol Ka Khiloau Rom 8:15

Tharunga te Blahi teke tusu ari God ka ghotilo igne theome mala haru famaku ghami ka namhaghu jateula teke au ghotilo ka namhaghu tifa ia eghu. Theo. Nu mana togho ghami mala thugna God. Eghuteuna ka nogna nolaghi Tharunga te Blahi na tahati tangomana te cheke eghu ka God, “Mama, Mama.”

Letas Teke Riso Tei Mae Pol Ka Khiloau Rom 8:7

Naugna mae te ghathoni fara puhi te diꞌa na, mana nogna naoka God. Mana theome leghuni nogna vetula God na, eigna mana theome tangomana te eni igne na.

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Jemes 2:10

Mae ihei te leghu fakelini nogna vetula God na nu theome leghuni kaisei vido cheke ka vetula na teuna, mae tuana kafe huhughuni nogna vetula God na.

Ululahu Jone 4:18

Theo kaisei namhaghu ka thofno namha na. Nu thofno namha na brue fadeleini namhaghu. Eghuteuna ihei te ofoni fate na au balu mhaghu. Eghume ihei te mhaghu na, thofno namha na theome horoghoto ka mana.

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Ululahu Samuel 12:20

Aonu mae Samuel ne cheke eghu ka mare, “Ghotilo thosei mhaghu! Tutuaniu teke eni ghotilo glepo te diꞌa igne na. Nu gognarona, ghotilo mala thosei tei kokoni Lord, eghuteuna ghotilo mala leghuni mana ka gaoghathomi fateote'o.