Luku 19:20 - Buka Blahi Ka Cheke Holo

²⁰ “Leghu lahu na fatilo mae na mei ne cheke eghu, ‘Mae funei, ao teu nou duku sileni teke famei iagho ia! Iara neke pipiha ka pohe neke pophoru.

Luku 19:20 Iomraidhean Croise

Matiu 25:24

“Aonu mae gloku teke hata kaisei duku sileni igne ne mei ka mae funei na. Mana mei ne cheke eghu, ‘Mae funei, iara lase nigho iagho kaisei mae ninhigrana fara. Naugna iagho jateula kaisei mae te rouronu te mala tei hata gano ka nagare aheva teke theome joꞌu thegna na.

Luku 19:13

Ame tei nga teuna, mana ne kilo meidi nabotho nogna mae glokure. Aonu mana ne tufa nabotho duku sileni kaisei mae neu ka mare. Mana ne cheke eghu ka mare, ‘Loku ka sileni igre ghotilo ia ghilei ke pulo mei iara.’ Aonu mana jifla ne tei.

Luku 19:19

“Mae funei na ne cheke eghu la ka mana, ‘Uve, iagho na reireghi keha glima namono biꞌo.’

Luku 19:21

Iara mhaghu nogu nigho iagho, naugna iagho kaisei mae ninhigrana fara puhimu na. Iagho jateula mae te hata fajifla sileni teke lilisei keha mae ka banki nei hata gano ka nagare teke joꞌu keha maei teura eghu.’

Luku 3:9

Nu gognaro God tarabana fate naikno jateula kaisei mae te au khila te mala kato soru gaju na la kulu auhi ka glathigna na. Eghume, mana ginauna na kato soru u gaju te theo sisi igre mala koko lao ka khaꞌaghi.”

Luku 6:46

“Naugna unha ne cheke eghu nga ghotilo ka iara, ‘Lord, Lord,’ nu ghotilo theome edi kolho unha te chekedi iara re?

Jone 11:44

Mae teke lehe na nolo ne jifla mei ka gluma na. Nabreku pohe teke pipiha ka khamegna, ghahegna nei ka pha'ugna teku mana re ne maku neu ngala. Mae Jisas ne cheke eghu ka mare, “Hata koko ghotilo u pohe are mala snakre teini mana.”

Jone 20:7

Mana ne filoni la susurunavi teke piphiri ka pha'ugna mae Jisas na. Eghuteuna pohe tuana lolhopo lilisei neu delei ka nabreku pohe teke pipihani mae Jisas.

Jemes 4:17

Eghume mae ihei laseni teu ngala unha te keli na nu theome eni teuna, mae tuana loku jafra ke ulugna God.