Luku 19:18 - Buka Blahi Ka Cheke Holo

¹⁸ “Aonu fapea mae gloku na mei ne cheke eghu, ‘Funei, kaisei duku sileni teke famei iagho ka iara ia, iara kela edi keha glimai.’

Luku 19:18 Iomraidhean Croise

Matiu 13:23

Sisi te sukha ka glose te keli na igre eidi iheire te thofno nomhini nei lase fakelini chekegna God. Eghuteuna ure thokeni kaisei gobi sisi, namno salei sisi, nei tolufulu sisi.”

Matiu 25:22

“Mae teke hata phei duku silenire ne mei ka mae funei na. Mana ne cheke eghu, ‘Mae funei, filo sagho! Iagho neke tusu mei phei duku sileni mala reireghi iara. Aonu iara neke loku ka nou phei duku sileni iagho ra neke horo haghe keha phei.’

Nonomho Te Keli Teke Risoi Mae Mak 4:20

Keha naiknore jateula sisi te soru ka glose te keli ra eghu. Mare nomhini farirhiu na eghuteuna mare thono fatutuani fara. Naikno tuana God ginauna na edi kmana glepo te keli ka nakarhagna na jateula sisi te kotu te ure ra eghu. Keha fata tangomana te thokei kaisei gobi sisi, keha fata tangomana te thokei namno salei sisi, nu keha fata tangomana te thokei tolufului sisi.”

Luku 19:13

Ame tei nga teuna, mana ne kilo meidi nabotho nogna mae glokure. Aonu mana ne tufa nabotho duku sileni kaisei mae neu ka mare. Mana ne cheke eghu ka mare, ‘Loku ka sileni igre ghotilo ia ghilei ke pulo mei iara.’ Aonu mana jifla ne tei.

Luku 19:17

“Mae funei na ne cheke eghu ka mana, ‘Keli fara, iagho mae gloku keli fara! Iara ginauna na vahi nigho iagho mala reireghidi nabotho namono biꞌo, naugna iagho ne loku fakeli ka glepo te ikodi jateula tuana teuna.’

Luku 19:19

“Mae funei na ne cheke eghu la ka mana, ‘Uve, iagho na reireghi keha glima namono biꞌo.’

Fapea Korin 8:12

Te magnahaghei tufa ghotilo na, God ginauna gleale'a fara ka unha te tufa ghotilo na. Theome unha te theo ka ghotilo na.