Luku 19:17 - Buka Blahi Ka Cheke Holo

¹⁷ “Mae funei na ne cheke eghu ka mana, ‘Keli fara, iagho mae gloku keli fara! Iara ginauna na vahi nigho iagho mala reireghidi nabotho namono biꞌo, naugna iagho ne loku fakeli ka glepo te ikodi jateula tuana teuna.’

Luku 19:17 Iomraidhean Croise

Jenesis 39:4

Aonu mana ne keli tagna fara ka mae Josep ne vahini mana mala kaisei nogna mae funei gloku. Eghuteuna mana ne lisa lao ka Josep u nolaghi te mala reireghidi khetogna, thugna, nei gobigna lepo eghu te khotodi mana re.

Proveb 27:18

Te reireghi ni gaju te au sisigna na, iagho ginauna ghamu fuꞌa gna na. Te reireghini nogna funei na, iagho ginauna hata nafnakno biꞌo.

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Luku 16:10

“Mae ihei te loku fakeli ka glepo te ikoi na, mana jaola na loku fakeli ka glepo te biꞌo na. Eghuteuna mae ihei te theome loku fakeli ka glepo te ikoi na, mana eghu la na theome loku fakeli ka glepo te biꞌo na.

Luku 19:16

“Mae gloku ulu lahu na mei ne cheke eghu, ‘Mae funei, duku sileni teke famei iagho ka iara ia, iara kela edi keha nabothoi.’

Luku 19:18

“Aonu fapea mae gloku na mei ne cheke eghu, ‘Funei, kaisei duku sileni teke famei iagho ka iara ia, iara kela edi keha glimai.’

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Letas Teke Riso Tei Mae Pol Ka Khiloau Rom 2:29

Nu God fadoglonihi nagnafagna mae ihei te thofno Jiu na ka nogna nolaghi mae Tharunga te Blahi. Naugna thofno gaoghathogna u tohi fagaglana na la horoghotohi ka nakarhagna naikno na kate leghuni mae Tharunga te Blahi na, theome kate leghuni mana u vetula na. Eghuteuna God tangomana te ghatho tahuni nafnata mae igne, neuba keha naiknore ne theome tangomana te ghatho tahuni mana na.

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Fapea Timoti 2:10

Eghume iara heta ghegu kolho neuba mare ne para ghau. Naugna iara magnahaghei te toghodi naikno teke vavahi God re mala nogna naikno mae Jisas Kraes. Ka puhi igne God ginauna fakarhidi, eghuteuna mare ginauna hatini u karha fei tifa na.

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.

Ululahu Samuel 2:30

“Naugna igne iara Lord nodi God mae Israel, igne unha te chekeni iara na: Tifa na iara neke nhaꞌa cheke ka kuꞌemu iagho Eron ba iheire te gnafa ka tharaknagna mana na igre, mare ginauna mala mae pris mala edi fabrahu nogu gloku iara re. Nu gognarona, iara na cheke fadoglo ari ka iagho, u nhaꞌa cheke igne la gnafahi ka mae thumu iagho ra! Gognarona, mae ihei te ghatho tahu ghau iara na, iara ginauna ghatho tahuni mana. Nu mae ihei te tirogna ghau iara na, iara ginauna na jaola tiroguni mana.