Luku 18:32 - Buka Blahi Ka Cheke Holo

³² Eghuteuna mare ginauna na snakre lao ghau iara ka khamedi naikno te theome mae Jiu. Mare ginauna na maꞌe ghau iara, cheke fadiꞌa ghau iara, nei kmisu ghau iara.

Luku 18:32 Iomraidhean Croise

Profet Isaia 50:6

Kate mei mare te purini thagrugu iara na, iara ke figri lao bakoguna mala tungnu mare gremohogure. Iara theome lhotidi tathagu nei foflogu teure, mala kmisudi mare.

Profet Isaia 52:14

Tifa na naiknore neke fakokhoanani mana, eghuteuna tathagna nei foflogna teure neke thofno diꞌa fara neke theome jateula naikno neku filogna na. Eghuteuna naiknore neke jaglo nodi fara kate filoni mana na.

Profet Isaia 53:3

Naiknore tirodini mana neke cheke faparini mana. Kmana fata mana fodu ka diꞌa nagnafagna fara, neke au papara fabrahu kolho. Uve, theo kaisei naikno te magnahaghei filo ka mana na. Te filoni tahati na, mana jateula te fiti maera eghu kolho.

Profet Maeka 5:1

Ghotilo naiknomi Jerusalem! Tahati mala kilo fodu meidi noda soldia tahati ra! Gognarona naoka igre falithui ghitahi! Mare thofno parani nei famamajani eghu fara noda king tahati gne!

Matiu 16:21

Funu ka narane tuana te haghe na mae Jisas ne funu cheke eghu ka nogna mae fanomhore, “Iara na tei Jerusalem. Hatimare mae biꞌodi mae Jiu nei hatimare mae pris ulu nei hatimare mae velepuhigna vetula nogna mae Moses mare ginauna na para ghau nei eꞌei puhi mala falehe ghau iara. Eghuteuna ka fatilo narane na God nake fakarha fapulo ghau iara kau glehe.”

Matiu 20:19

Mare ginauna snakre lao ghau iara ka khamedi hatimare mae te theome Jiu. Eghuteuna mae igre ginauna maꞌe ghau nei puri ghau ka phukri nei tupi juru ghau eghu iara kau gaju fafatha. Nu ka fatilo narane na, God nake fakarha fapulo ghau iara kau glehe.”

Matiu 22:6

Eghuteuna, kehare tei ne lokidi mae glokure, ne puridi, nei falehedi.

Matiu 26:67

Naiknore ne kmisu ka tathagna manare, nei tutini mana. Aonu keha naiknore ne taponi mana.

Matiu 27:2

Hatimare haru fodu phei khamegna mae Jisas re hata ne tei ka mae Paelat, mae gavana.

Nonomho Te Keli Teke Risoi Mae Mak 14:65

Keha naikno jare ne kmisuni mana. Mare haru tafru phei tathagna mana re ne tutini mana. Mare ne cheke eghu ka mana, “Iagho kaisei mae profet, mae ihei si teke tuti nigho iagho ia?” Mae greireghi re tathaleini mae Jisas ne tei purini mana.

Nonomho Te Keli Teke Risoi Mae Mak 15:1

Hamerane boibongi hatimare mae pris ulu, hatimare mae velepuhigna vetula nogna mae Moses nei hatimare goro mae biꞌo nei hatimare mae tothoghei fate eghure ne rogheni unha nate eni ka mae Jisas na. Aonu hatimare haru fodu phia khamegna mae Jisas re ne hata ne tei snakre lao ka mae Paelat.

Luku 18:33

Mare ginauna puri ghau iara ka phukri, nei falehe ghau iara. Nu ka fatilo narane na iara nake karha fapulo ka glehe.”

Luku 23:1

Ke leghugna igne, tothoghei mae fate igre hatani mae Jisas tei ka mae Paelat.

Luku 23:11

Aonu mae Herod baludi nogna mae soldiare ne funu maꞌeni mae Jisas cheke faparini mana. Mare ne fapoko lao kaisei phoko te khuakhuda ka mana, mala jateula mae king eghu mana. Aonu mare ne kuru teini mana ka mae Paelat.

Luku 23:35

Naiknore kegra jare filo neu. Nodi mae biꞌo hatimare mae Jiu gre ne maꞌeni mae Jisas ne cheke eghu, “Tore, mae igne fakarhidi keha naiknore. Te mana tutuani mae Kraes teke vavahi God na, lisa laoni mala fakarhini mana thegna.”

Jone 18:22

Kate cheke eghu mae Jisas na, kaisei mae te reireghi gna Sugablahi te kegra teu jare na mei ne taponi mae Jisas. Mana ne cheke eghu ka mae Jisas, “Ghema, theome tuana nafnata cheke te mala cheke tughu iagho ka mae pris ulu na!”

Jone 18:28

Aonu, hamerane boibongi, hatimare mae Jiu hatani mae Jisas funu ka sugagna mae Kaefas na ne tei ka sugagna mae Paelat mae gavana gna Rom. Eghuteuna, goro mae biꞌodi hatimare mae Jiu ne theome ruma lamna ka suga na. Naugna mare magnahaghei blahi teu te ghilei thokei narane Gaghamu Ghasa-Polho na.

Jone 18:30

Mare ne cheke eghu, “Mae igne kaisei mae diꞌa! Jame theome loku jafra mana meuna, ghehati jame theome atha meini mae igne ka iagho.”

Jone 18:32

Igne ne horoghoto fara ka nogna cheke thegna mae Jisas teke kulu chekeni mana tifa eigna unha nafnata glehe nate lehe mana na.

Jone 18:35

Mae Paelat ne cheke eghu ka mana, “Sei, ne mae Jiu iara eghu sagho gaoghathomu na ia? Hatimare mae pris ulu nei nou naikno themu iagho gre eghu site atha nigho iagho te mei ka iara gnea! Unha najafra biꞌo si teke eni iagho na ia?”

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Mae Khuru 3:13

Nodi God mae ku'edara, nodi God mae Ebraham, nei mae Isak, nei mae Jekop neke eni te filoni ghotilo igne mala fafnaknoni tahati nanghagna nogna mae gloku Thugna Jisas. Nu ghotilo neke snakreni mana ka khamedi goro mae biꞌo re. Neuba mae Paelat ne ghaoghatho mala snakre fajiflani mae Jisas, ghotilo te chekeni ka mae Paelat na ghotilo theome magnahagheni mana.